آئرلینڈ اور پاکستان کی ویمنز کرکٹ ٹیموں کے درمیان پہلا ٹی -20 کل ہوگا

یہ میچ ڈے اینڈ نائٹ ہوگا اور فلڈ لائٹس کی روشنی میں کھیلا جائے گا

منگل 5 اگست 2025 14:21

آئرلینڈ اور پاکستان کی ویمنز کرکٹ ٹیموں کے درمیان پہلا ٹی -20 کل ہوگا

ڈبلن(اُردو پوائنٹ اخبارتازہ ترین - این این آئی۔ 05 اگست2025ء)آئرلینڈ اور پاکستان کی خواتین کرکٹ ٹیموں کے درمیان تین ٹی ٹونٹی بین الاقوامی میچوں پر مشتمل سیریز کا پہلا میچ کل (بدھ کو) سول سروس کرکٹ کلب، بیلفاسٹ میں کھیلا جائے گا۔یہ میچ ڈے اینڈ نائٹ ہوگا اور فلڈ لائٹس کی روشنی میں کھیلا جائے گا۔ پاکستان کی ویمنز کرکٹ ٹیم ان دنوں آئرلینڈ کے دورہ پر ہے اور گرین شرٹس اپنے دورہ آئرلینڈ کے دوران میزبان ٹیم کے خلاف 3ٹی ٹوٹی بین الاقوامی میچوں کی سیریز کھیلے گی۔

پاکستان کی خواتین کرکٹ ٹیم آئرلینڈ میں موجود ہے جہاں وہ آئرلینڈ کے خلاف پہلے ٹی 20 انٹرنیشنل میچ سے قبل بھرپور تیاریوں میں مصروف ہے۔سیشن کے دوران کھلاڑیوں نے بیٹنگ، باؤلنگ اور فیلڈنگ کی مختلف مشقیں کیں تاکہ حریف ٹیم کے خلاف جارحانہ حکمت عملی اختیار کی جا سکے۔

(جاری ہے)

دونوں ٹیموں کے درمیان ٹی ٹونٹی سیریز کے لیے شائقین کرکٹ بے چینی سے منتظر ہیں۔

دونوں ٹیموں کے درمیان دلچسپ مقابلے کی توقع ہے۔ آئرلینڈ ویمنز ٹیم کے خلاف 3ٹی ٹوٹی بین الاقوامی میچوں کی سیریز میں پاکستان ویمنز ٹیم کو فاطمہ ثنا لیڈ کریں گے جبکہ میزبان ویمنز ٹیم گیبی لیوس کی زیر قیادت میدان میں اترے گی۔دونوں ٹیموں کے درمیان تین ٹی ٹونٹی میچوں کی سیریز کا دوسرا میچ 8اگست کو کھیلا جائے گا جبکہ تیسرا اور آخری میچ 10اگست کو کھیلا جائے گا۔ ٹی ٹونٹی بین الاقوامی میچوں پر مشتمل سیریز کے تینوں میچز ڈے اینڈ نائٹ ہوں گے اور فلڈ لائٹس کی روشنی میں سول سروس کرکٹ کلب، بیلفاسٹ میں ہی کھیلے جائیں گے۔