ملائشیا میں "یوم استحصالِ کشمیر" کے حوالے سے پاکستان ہائی کمیشن ان ملائشیا میں پروگرام کا انعقاد کیا گیا

کشمیریوں کے حق خودارادیت کی مکمل حمایت کرتے ہیں ۔ ہائی کمشنر پاکستان سید احسن رضا شاہ

محمد وقار خان بدھ 6 اگست 2025 22:22

ملائشیا میں "یوم استحصالِ کشمیر" کے حوالے سے پاکستان ہائی کمیشن ان ملائشیا ..

کوالالمپور(اُردو پوائنٹ اخبارتازہ ترین۔ 8 اگست 2025ء)پاکستان ہائی کمیشن ملائشیا کے ہال میں یوم استحصال کشمیر کے تحت ایک تقریب کا انعقاد کیا گیا ۔ جس میں ہائی کمیشن آف پاکستان کے تمام آفیسرز ، اسلامی دنیا کے حقوق کے لیے آواز بلند کرنے والی تنظیم MAPIM کے چئیرمن استاد اظمیِ عبد الحمید(ستارۂ پاکستان ) کے علاوہ ، محمد جمال الدین شمس الدین ، ایگزیکٹو آفیسر آف اسلامک آرگنائزیشن کوآرڈینیشن کمیٹی ( ACCIN سابقہ ممبر پارلیمنٹ Ms Rusnah Binti Aluai ، ہیڈ آف ریسرچ اینڈ پبلیکیشن ڈاکٹر عبدالطیف بن محمد ابراہیم کے علاوہ پاکستانی و ملائشین سول سوسائٹی ، بزنس کمیونٹی ، سٹوڈنٹس اور ملائشین میڈیا کے علاوہ مختلف طبقہ ہائے فکر سے تعلق رکھنے والے افراد نے شرکت کی ۔

تقریب کا آغاز تلاوت کلام پاک اور ملائشین ، پاکستانی قومی ترانوں سے کیا گیا ۔

(جاری ہے)

مقررین نے شرکا سے خطاب کرتے ہوئے کہا کہ ہندوستانی غاصب افواج کشمیری شہریوں کے بنیادی شہری حقوق کو کئی سالوں سے غصب کیے ہوئے ہے ، ہمیں بطور مسلمان اپنے کشمیری ، فلسطینی اور دنیا بھر میں مظالم کے شکار پاکستانی بھائیوں کے لیے اپنی آواز کو یکجا کرنا ہوگا ۔

ہیڈ آف ریسرچ اینڈ پبلیکیشن ڈاکٹر عبدالطیف بن محمد ابراہیم " نے تمام مسلم امہ کے مسائل کا حل، اتحاد اور بھائی چارے کو قرار دیا، اور کشمیری عوام پہ جاری ظلم و جبر پہ اپنے گہرے رنج و غم کا اظہار کرتے ہوئے تمام مسلم امہ اور کشمیری مسلمانوں کی ازادی اور امن کے لیے اجتماعی کوشش کی ضرورت پر زور دیا ۔ سابقہ ممبر پارلیمنٹ Ms Rusnah Binti Aluai ، نے اظہار خیال کرتے ہوئے کہا کہ ملائشیا، پاکستان ، عرب یا دنیا کے کسی بھی خطے کا مسلمان تکلیف میں ہو تو ہم کو اس کا درد محسوس کرتے ہوئے اس کے حق کے لیے اپنی آواز ہر پلیٹ فارم پر بلند کرنی چاہیے ، بھلے سوشل میڈیا ہمارے اکاونٹ حق بات کرنے پہ بین کردے ۔

لیکن ہمیں ہر جگہ پر سوشل میڈیا کی اس دورخی پالیسی کا مقابلہ کرتے ہوے ہر ممکن زرائع سے اپنی آواز دنیا تک پہنچانی ہے ۔

ہائی کمشنر سید احسن رضا شاہ نے حاضرین سے خطاب کرتے ہوئے تمام شرکاء کی تشریف آوری کا شکریہ ادا کیا ، اور کشمیری بھائیوں کو یقین دلایا کہ ہم ہمیشہ کی طرح اخلاقی طور پر ان کے ساتھ شانہ بشانہ کھڑے ہیں ۔

سید احسن رضا شاہ نے استاد اظمی ( ستارہ پاکستان) کی کشمیر اور پاکستان پہ لکھی نظم اردو ترجمہ کے ساتھ پڑھ کر سنائی ۔اور ان کے پاکستان و کشمیر سے محبت کے جذبہ کو سراہا ۔ اسلامک حقوق کی تنظیم Mapim کے چئیرمن استاد اظمیِ عبد الحمید(ستارۂ پاکستان ) نے کہا کہ کشمیر ، فلسطین اور دنیا بھر میں مسلمانوں پہ ہورہا ظلم دنیا کو نظر نہیں آتا ۔

ہم کشمیر کی آواز کو دنیا کے سامنے اٹھاتے رہیں گے ۔ محمد جمال الدین شمس الدین ( ACCIN ) نے کہا کہ ہم 74 سال سے کشمیر پر غاصبانہ قبضے کی مذمت اور اپنے کشمیری بھائیوں کے ساتھ ہر ممکن اخلاقی تعاون جاری رکھنے کا عہد کرتے ہیں ، انہوں نے کہا کہ کشمیریوں کی جذبہِ آزادی کو بندوقوں کے سائے سے زیادہ دیر دبایا نہیں جا سکتا ، جلد ہی کشمیریوں اور دنیا میں تمام محصور اقوام کی آزادی کا سورج طلوع ہونے والا ہے#