ٹیلر ٹاؤن سینڈ اور شوئی ژانگ پر مشتمل تھرڈسیڈڈ جوڑی کینیڈین اوپن ٹینس ویمنز ڈبلز مقابلوں کے فائنل میں داخل

جمعرات 7 اگست 2025 12:36

مونٹریال(اُردو پوائنٹ اخبارتازہ ترین - این این آئی۔ 07 اگست2025ء)امریکا کی ٹینس کھلاڑی ٹیلر ٹاؤن سینڈ اور ان کی چین کی جوڑی دار شوئی ژانگ پر مشتمل تھرڈسیڈڈ جوڑی ڈبلیو ٹی اے کینیڈین ا وپن ٹینس ٹورنامنٹ میں خواتین کے ڈبلز مقابلوں کے فائنل میں پہنچ گئی۔ٹیلر ٹاؤن سینڈ اور شوئی ژانگ پر مشتمل تھرڈسیڈڈ جوڑی نے ویمنز ڈبلز کے سیمی فائنل رائونڈ میچ میں کیرولین ڈولہائیڈ اور ان کی ہم وطن جوڑی دار صوفیہ کینن پر مشتمل امریکی جوڑی کو 0-2 سیٹس سے شکست دے کر فائنل کے لئے کوالیفائی کیا۔

(جاری ہے)

کینیڈین اوپن ٹینس ٹورنامنٹ کے کانٹے دار مقابلوں کا سلسلہ کینیڈا میں جاری ہے۔آئی جی اے سٹیڈیم مونٹریال میں کھیلے گئے خواتین کے ڈبلز مقابلوں کے سیمی فائنل رائونڈ میچ میں امریکا کی ٹینس کھلاڑی ٹیلر ٹاؤن سینڈ اور ان کی چین کی جوڑی دار شوئی ژانگ پر مشتمل تھرڈسیڈڈ جوڑی نے شاندار کارکردگی کا مظاہرہ کرتے ہوئے حریف کیرولین ڈولہائیڈ اور ان کی ہم وطن جوڑی دار صوفیہ کینن پر مشتمل امریکی جوڑی کو سٹریٹ سیٹس میں 2-6 اور4-6 سے شکست دے کر فائنل رائونڈ کے لئے کوالیفائی کرلیا،جہاں ان کا مقابلہ امریکی ٹینس سٹار کوکو گف اور ان کی ہم وطن جوڑی دار میک کارٹنی کیسلر سے ہوگا۔