نیشنل بینک اوپن ٹینس،نائومی اوساکا اور کلارا ٹاسن ویمنز سنگلز کے سیمی فائنل میں پہنچ گئیں

جمعرات 7 اگست 2025 12:37

مونٹریال(اُردو پوائنٹ اخبارتازہ ترین - این این آئی۔ 07 اگست2025ء)جاپان کی نامور ٹینس سٹار اورچار گرینڈ سلام ٹائٹلز کی چیمپئن نائومی اوساکا اور ڈنمارک کی ٹینس کھلاڑی کلارا ٹاسن اپنی پیش قدمی کو جاری رکھتے ہوئے ڈبلیو ٹی اے نیشنل بینک اوپن ٹینس ٹورنامنٹ میں خواتین کے سنگلز مقابلوں کے سیمی فائنل میں پہنچ گئیں جبکہ امریکا کی ٹینس سٹار اور ایونٹ کی سکستھ سیڈڈ میڈیسن کیزاور یوکرین کی ٹینس سٹار ایلینا سویٹولینا کوارٹر فائنل رائونڈ میں ہار کر ایونٹ کے ویمنز سنگلز مقابلوں سے باہر ہوگئیں۔

27 سالہ جاپان کی نامور ٹینس سٹار اورچار گرینڈ سلام ٹائٹلز کی چیمپئن نائومی اوساکانے ویمنز سنگلز مقابلوں کے کوارٹر فائنل رائونڈ میچ میں یوکرین کی ٹینس سٹار ایلینا سویٹولینا کو 0-2 سیٹس سے شکست دی۔

(جاری ہے)

ڈنمارک کی ٹینس کھلاڑی کلارا ٹاسن نے ویمنز سنگلز کوارٹر فائنل رائونڈ میچ میں امریکا کی ٹینس سٹار میڈیسن کیز کو 0-2 سیٹس سے مات دی۔ نیشنل بینک اوپن ٹینس ٹورنامنٹ کے کانٹے دار مقابلوں کا سلسلہ کینیڈا میں جاری ہے۔

آئی جی اے سٹیڈیم مونٹریال میں کھیلے گئے ویمنز سنگلز مقابلوں کے کوارٹر فائنل رائونڈ میچ میں جاپان کی نامور ٹینس سٹار اورچار گرینڈ سلام ٹائٹلز کی چیمپئن 27 سالہ نائومی اوساکانے شاندار کارکردگی کا مظاہرہ کرتے ہوئے یوکرین کی ٹینس سٹار ایلینا سویٹولینا کو سٹریٹ سیٹس میں2-6 اور 2-6سے ہرا کر سیمی فائنل رائونڈ کے لئے کوالیفائی کیا،جہاں ان کا مقابلہ ڈنمارک کی ٹینس کھلاڑی کلارا ٹاسن سے ہوگا۔ ڈنمارک کی 22 سالہ ٹینس سٹار کلارااٹاسن نے ٹاپ ایٹ میچ میں 30 سالہ امریکی حریف میڈیسن کیز کو 0-2 سیٹس سے مات دی۔ڈنمارک کی ٹینس کھلاڑی کلارا ٹاسن کی فتح کا سکور 1-6 اور 4-6 رہا۔