ڈپٹی ڈسٹرکٹ ہیلتھ آفیسر کا بنیادی مرکز صحت کا دورہِ ،طبی سہولیات کی فراہمی کا جائزہ لیا ،،

جمعرات 7 اگست 2025 15:44

پسرور (اُردو پوائنٹ اخبارتازہ ترین - اے پی پی۔ 07 اگست2025ء) ڈپٹی ڈسٹرکٹ ہیلتھ آفیسر پسرور ڈاکٹر طارق جاوید نے بنیادی مرکز صحت ڈھوڈا تحصیل پسرور کا دورہ کیا۔انہوں نے سٹاف کی حاضری سمیت لیبر روم ،ای پی آئی روم ،ٹیب اینڈ تھرمل پرنٹرز ، اور صفائی ستھرائی کا جائزہ لیا۔

(جاری ہے)

اس موقع پر انہوں نے مرکز صحت کے عملے کو ہدایت کرتے ہوئے کہا کہ مریضوں کے لیے ادویات کی مفت فراہمی کو یقینی بنائیں، سہولیات بلا تعطل جاری رہنی چاہیئں ۔ اپنے دورے کے دوران انہوں نے فارمیسی میں مختلف ادویات کی تاریخ معیاد ،آلات جراحی اور ضروری سازوسامان کا ریکارڈ چیک کیا۔