فیصل آباد سے آزاد کشمیر جانیوالی خاتون زیادتی کے بعد قتل، 2 ملزمان گرفتار

جمعرات 7 اگست 2025 22:50

میرپور (اُردو پوائنٹ اخبارتازہ ترین - این این آئی۔ 07 اگست2025ء)میرپور آزاد کشمیر میں زیادتی کے بعد خاتون کو قتل کردیا گیا۔پولیس کے مطابق میرپور آزاد کشمیر کے علاقے رڑاہ بڑجن سیخاتون کی لاش ملی تھی جس کے بعد کارروائی کرتے ہوئے 2 ملزمان کو گرفتار کیا گیا ہے۔

(جاری ہے)

پولیس نے بتایا کہ ملزمان نے خاتون سے زیادتی کے بعد قتل کرنیکا اعتراف کیا ہے۔پولیس کے مطابق خاتون کا تعلق فیصل آباد سے تھا، ملزمان نے فون کرکے مقتولہ کو فیصل آباد سے آزاد کشمیربلایا تھا۔پولیس کے مطابق خاتون کی لاش کو تحویل میں لے کر پوسٹ مارٹم کیلئے اسپتال منتقل کردیا گیا ہے۔