امریکی نائب صدر کیلئے دریائے اوہائیو میں پانی کی سطح کو بلند کیا گیا، برطانوی جریدہ

جمعہ 8 اگست 2025 18:58

واشنگٹن (اُردو پوائنٹ اخبارتازہ ترین - این این آئی۔ 08 اگست2025ء)امریکا میں سرکاری وسائل استعمال کرتے ہوئے دریائے اوہائیو میں پانی کی سطح کو غیر معمولی طور پر بلند کیا گیا تاکہ نائب امریکی صدر جے ڈی وینس اور ان کے اہلِ خانہ اس میں کشتی رانی کرسکیں۔یہ بات نامور برطانوی جریدے نے اپنی ایک خصوصی رپورٹ میں بتائی ہے۔

(جاری ہے)

امریکی خفیہ سروس نے آرمی کور آف انجینئرز سے درخواست کی تھی کہ وہ 2 اگست کو نائب صدر جے ڈی وینس کی کشتی رانی کے دوران محفوظ نیوی گیشن کو یقینی بنانے کے لیے دریائے اوہائیو میں پانی کی سطح بڑھائیں۔

برطانوی جریدے نے خفیہ ذرائع کے حوالے سے رپورٹ کیا ہے کہ دریا کی سطح میں یہ تبدیلی صرف محفوظ نیوی گیشن کے لیے نہیں بلکہ کشتی رانی کے تجربے کو اچھا بنانے کے لیے کی گئی تھی۔اِس واقعے سے متعلق امریکی عوام یہ سوال کر رہے ہیں کہ کیا عوامی وسائل کا ذاتی استعمال ہوا ہے، خاص طور پر ایسے وقت میں جب ٹرمپ انتظامیہ نے اخراجات میں کمی کے لیے غیرملکی امداد، سائنسی تحقیق اور سرکاری ملازمتوں میں اربوں ڈالر کی کٹوتیاں کی ہیں۔