فوڈ سیفٹی ٹیموں کا شرقپور میں آپریشن،10 ہزار لٹر کولڈ ڈرنکس تلف،مقدمہ درج، 4ملزم گرفتار

جمعہ 8 اگست 2025 21:20

لاہور (اُردو پوائنٹ اخبارتازہ ترین - اے پی پی۔ 08 اگست2025ء) ڈی جی فوڈ اتھارٹی کی ہدایت پر ایڈیشنل ڈائریکٹر جنرل آپریشنز نے فوڈ سیفٹی ٹیموں کے ہمراہ شرقپور میں آپریشن کرتے ہوئے 10ہزار 12 لٹر تیار جعلی کولڈ ڈرنکس اور198 لٹر پیکنگ میٹریل تلف کر دیا اور مقدمہ درج کر کے 4ملزمان کو گرفتار کر لیا۔ ترجمان کے مطابق 1800 بوتلیں، 5 واٹر ٹینک، 2 سلنڈر، مشینیں، جنریٹر اور دیگر سامان ضبط کر لیے گئے، جعلی کولڈ ڈرنکس یونٹ میں معروف برانڈ کی جعلی کولڈ ڈرنکس تیار کی جارہی تھی۔

ڈی جی فوڈ اتھارٹی کے حکم پر ممنوعہ کیمیکل، غیر معیاری فلیور اور غیر منظور شدہ فارمولا استعمال کیا جارہا تھا، یونٹ میں صفائی کے ناقص انتظامات، حشرات کی بھرمار پائی گئی، گندا فرش، بدبودار ماحول، زنگ آلود مشینری، دیواروں سے پینٹ گر رہا تھا، سٹوریج سیکشن میں چھپکلیاں اور روک تھام کے لیے مناسب اقدامات نہ تھے۔

(جاری ہے)

ڈی جی فوڈ اتھارٹی کا کہناہے کہ ملازمین کے میڈیکل نامکمل اور ٹریننگ سرٹیفکیٹس عدم موجود پائے گئے، خوراک میں جعلسازی کرنے پر ملزمان پر پہلے بھی ایک مقدمہ درج ہے،تیار جعلی کولڈ ڈرنکس لاہور شہر اور مضافات میں سپلائی ہونی تھی۔

ڈی جی فوڈ اتھارٹی کا کہنا تھا کہ وزیر اعلی مریم نوازکے ویژن کے مطابق جعلسازی اور ملاوٹ میں ملوث عناصر کا قلع قمع کریں گے، شہری اشیاء کی خریداری سے قبل تاریخ اجرا وتنسیخ ضرور چیک کریں اورخوراک کے متعلق کسی قسم کی شکایت کی صورت میں 1223 پر اطلاع دیں۔

Facebook Twitter Google + Share on Whatsapp

فوڈ سیفٹی ٹیموں کا شرقپور میں آپریشن،10 ہزار لٹر کولڈ ڈرنکس تلف،مقدمہ درج، 4ملزم گرفتار

متعلقہ عنوان :

مزید قومی خبریں