بھارت نے امریکا سے اسلحہ خریدنے کا منصوبہ روک دیا

ہفتہ 9 اگست 2025 14:48

نئی دہلی (اُردو پوائنٹ اخبارتازہ ترین - این این آئی۔ 09 اگست2025ء)بھارت نے امریکا سے نئے ہتھیاروں اور ہوائی جہازوں کی خریداری کا اپنا منصوبہ روک دیا۔برطانوی خبر ایجنسی کے مطابق بھارتی منصوبے کے اعلان کیلئے وزیر دفاع راج ناتھ سنگھ کو واشنگٹن روانہ ہونا تھا لیکن ان کا دورہ منسوخ کردیا گیا ہے۔

(جاری ہے)

بھارتی حکام کا کہنا تھا کہ ٹیرف معاملے پر واشنگٹن سے بات چیت میں مصروف تھے، گمان تھا کہ ٹیرف مذاکرات پر سمت واضح ہونے کے بعد امریکا کے ساتھ دفاعی معاہدے پر آگے بڑھا جاسکتا تھا جس پر بات چیت جاری تھی۔

بھارتی کے تین ارب ساٹھ کروڑ ڈالر کے مجوزہ دفاعی معاہدے میں بھارتی بحریہ کے لیے چھ پی 81 جاسوس طیارے اور سپورٹ سسٹم کی خریداری بھی شامل تھی۔بھارتی حکومت کا کہنا تھا کہ امریکا اور یورپی اتحادی اپنے مفاد کی خاطر روس سے تجارت کر رہے ہیں جبکہ نشانہ بھارت کو بنایا جارہا ہے۔