بی بی سی نے پی ایس ایل کو دنیا کی دوسری سب سے دلچسپ فرنچائز لیگ قرار دیدیا

ہفتہ 9 اگست 2025 19:21

اسلام آباد (اُردو پوائنٹ اخبارتازہ ترین - این این آئی۔ 09 اگست2025ء)برطانوی نشریاتی اداری( بی بی سی) نے پاکستان سپر لیگ کو دنیا کی دوسری سب سے دلچسپ فرنچائز لیگ قرار دے دیا۔بی بی سی کی رپورٹ کے مطابق پی ایس ایل میں بیٹنگ اور بولنگ کا بہترین توازن، سنسنی خیز مقابلے شائقین کا دل جیتنے لگے، پی ایس ایل نے انٹرٹینمنٹ انڈیکس میں آئی ایل ٹی 20، دی ہنڈریڈ، سی پی ایل اور بگ بیش کو پیچھے چھوڑا۔

بی بی سی رپورٹ کے مطابق سب سے زیادہ دلچسپ لیگ میں آئی پی ایل کا پہلا نمبر ہے۔بی بی سی رپورٹ میں کہا گیا کہ پی ایس ایل میں اوسط پہلی اننگز کا اسکور 180 رنز، دنیا کی تمام لیگوں میں سب سے زیادہ ہے جبکہ پی ایس ایل میں 27.5 فیصد میچز کا فیصلہ آخری اوور میں ہواجبکہ آئی پی ایل کے 28.9 فیصد میچز آخری اوور تک گئے۔

(جاری ہے)

بی بی سی رپورٹ کے مطابق فی میچ سب سے زیادہ چوکو کی اوسط پی ایس ایل میں ریکارڈ کی گئی ہے۔

پاکستان سپر لیگ میں فی میچ 30 چوکے اور 14 چھکے کی اوسط ریکارڈ کی گئی ہے جبکہ آئی پی ایل اور سی پی ایل میں فی میچ 15 چھکوں کی اوسط ہے۔بی بی سی رپورٹ میں کہا گیا کہ پی ایس ایل کے کھلاڑیوں کے اوسط انٹرنیشنل کیپس 351 جو تمام لیگ میں دوسری سب سے زیادہ ہے۔ آئی ایل ٹی ٹوئنٹی کی اوسط انٹرنیشنل کیپس 423 اور آئی پی ایل میں 335 ہے۔اس کے علاوہ پی ایس ایل نے کوالٹی اور سنسنی میں بگ بیش کو کافی پیچھے چھوڑ دیا ہے۔ تفریحی انڈیکس کے 5 اہم میٹرکس میں پی ایس ایل کا اوسط دنیا میں دوسرا بہترین ہے۔ پی ایس ایل دنیا کی چند لیگوں میں شامل ہے جہاں بڑے بین الاقوامی اسٹارز باقاعدگی سے کھیلتے ہیں۔