صوبائی وزیرِ صحت کی زیر صدارت ڈی سی آفس راولپنڈی میں انسداد ڈینگی مہم اجلاس

ہفتہ 9 اگست 2025 19:57

لاہور (اُردو پوائنٹ اخبارتازہ ترین - اے پی پی۔ 09 اگست2025ء) صوبائی وزیرِ صحت خواجہ سلمان رفیق کی زیر صدارت ڈپٹی کمشنر دفتر راولپنڈی میں انسدادِ ڈینگی مہم کے سلسلہ میں اہم اجلاس منعقدہوا جس میں ڈینگی کی موجودہ صورتحال کا تفصیلی جائزہ لیا گیا۔ ہفتہ کو منعقدہ اجلاس میں ڈپٹی کمشنر راولپنڈی ڈاکٹر حسن وقار چیمہ، ایڈیشنل ڈپٹی کمشنر ہیڈکوارٹر عبداللہ خان، سی ای او ہیلتھ ڈاکٹر سلمان غنی و دیگر متعلقہ محکموں کے افسران نے شرکت کی۔

صوبائی وزیر کو بریفننگ کے دوران بتایاگیاکہ رواں سال اب تک راولپنڈی میں ڈینگی کے 24کیس رپورٹ ہوئے ہیں اورگھروں کی انڈور و آٹ ڈور سرویلنس، ہاٹ اسپاٹس پر خصوصی کارروائیاں اور مساجد میں اعلانات کے ذریعے عوامی آگاہی مہم شامل ہے۔ مہم کے دوران لاپرواہی برتنے اور حفاظتی اقدامات نہ کرنے پر دو ہزار سے زائد ایف آئی آرز درج کی جا چکی ہیں جبکہ اس مہم میں طلبہ کو بھی شامل کیا گیا ہے، جو ''لاروا ڈیٹکشن'' کے لیے گھروں کا دورہ کر رہے ہیں اور عوام کو ڈینگی سے بچا کے طریقہ کار سے آگاہ کر رہے ہیں ۔

(جاری ہے)

صوبائی وزیر صحت خواجہ سلمان رفیق نے اظہار خیال کرتے ہوئے کہاکہ انسدادِ ڈینگی مہم میں انتظامیہ کے اقدامات قابلِ تحسین ہیں ،تمام محکمہ جات کو مربوط حکمتِ عملی کے ساتھ کام کرنے کی ہدایت کی گئی ہے جبکہ کسی قسم کی غفلت برداشت نہیں کی جائے گی اور عوامی شمولیت کو مزید بڑھایا جائے تاکہ ڈینگی کی افزائش کو جڑ سے ختم کیا جا سکے-