ملک بھرمیں دریاؤں اور ریزروائرزمیں پانی کی صورتحال جاری

ہفتہ 9 اگست 2025 21:34

اسلام آباد (اُردو پوائنٹ اخبارتازہ ترین - آن لائن۔ 09 اگست2025ء) ملک کے بڑے دریاؤں اور آبی ذخائر میں پانی کی آمد و اخراج کی تازہ ترین صورتحال کے مطابق تربیلا، منگلا اور چشمہ ریزروائرز میں پانی کی سطح میں تسلسل سے بہتری آ رہی ہے جبکہ مجموعی طور پر قابلِ استعمال پانی کا ذخیرہ 1 کروڑ 3 لاکھ 49 ہزار ایکڑ فٹ تک پہنچ چکا ہے۔ یہ تفصیلات واپڈا کے ترجمان نے ہفتہ کو جاری کردہ اعلامیے میں فراہم کیں۔

ترجمان کے مطابق تربیلاکے مقام پر دریائے سندھ میں پانی کی آمد 2 لاکھ 5 ہزار 300 کیوسک اور اخراج 2 لاکھ 4 ہزار 900 کیوسک ہے۔چشمہ بیراج میں پانی کی آمد 2 لاکھ 68 ہزار 700 کیوسک اور اخراج 2 لاکھ 29 ہزار کیوسک ریکارڈ کیا گیا ہے۔ منگلا کے مقام پر دریائے جہلم میں پانی کی آمد 18 ہزار 900 کیوسک اور اخراج 7 ہزار 300 کیوسک ہے۔

(جاری ہے)

ہیڈ مرالہ پر دریائے چناب میں پانی کی آمد 63 ہزار 800 کیوسک اور اخراج 32 ہزار 900 کیوسک ہے۔

نوشہرہ کے مقام پر دریائے کابل میں آمد اور اخراج 30 ہزار 400 کیوسک ہے۔ ترجمان نے بتایا کہ تربیلا ریزروائر میں پانی کی سطح 1546.00 فٹ تک پہنچ چکی ہے، جبکہ ذخیرہ شدہ پانی 54 لاکھ 98 ہزار ایکڑ فٹ ہے۔منگلا ریزروائر میں پانی کی سطح 1205.25 فٹ اور پانی کا ذخیرہ 45 لاکھ 93 ہزار ایکڑ فٹ ہے۔ چشمہ ریزروائر میں پانی کی سطح 648.00 فٹ اور ذخیرہ 2 لاکھ 58 ہزار ایکڑ فٹ ریکارڈ کیا گیا ہے۔ ترجمان واپڈا نے کہا کہ مجموعی طور پر تینوں بڑے آبی ذخائر میں قابل استعمال پانی کا ذخیرہ 1 کروڑ 3 لاکھ 49 ہزار ایکڑ فٹ تک پہنچ گیا ہے، جو فصلوں کی آبیاری اور توانائی کی پیداوار کے لیے ایک مثبت اشارہ ہے۔

Facebook Twitter Google + Share on Whatsapp

ملک بھرمیں دریاؤں اور ریزروائرزمیں پانی کی صورتحال جاری

متعلقہ عنوان :

مزید قومی خبریں