خیبر، علی مسجد پولیس کی کارروائی، 7000 گرام چرس برآمد، ملزم گرفتار

اتوار 10 اگست 2025 16:20

پشاور (اُردو پوائنٹ اخبارتازہ ترین - اے پی پی۔ 10 اگست2025ء) خیبر کے تھانہ علی مسجد پولیس نے کارروائی کرتے ہوئے 7000 گرام چرس برآمد کرکے ملزم کو گرفتار کر لیا۔

(جاری ہے)

خیبر پولیس کے مطابق ڈسٹرکٹ پولیس آفیسر رائے مظہر اقبال کی قیادت میں ضلع بھر میں منشیات فروشوں اور منشیات کے کاروبار سے وابستہ عناصر کے خلاف کارروائیاں جاری ہیں۔ایس ایچ او علی مسجد یار جان اور اے ایس ایچ او حضرت حسین نے علاقہ شاد خان خوڑ علی مسجد میں گشت کے دوران ایک شخص تاج میر ولد طاہر سکنہ علی مسجد کو گرفتار کیا۔ملزم کے قبضے سے بوری میں بند 7000 گرام چرس برآمد ہوئی تاہم ملزم کے خلاف مقدمہ درج کرکے مزید تفتیش شروع کردی گئی ہے۔