اگست میں قوم کو آزادی کا تحفہ مساجد کی شہادتوں کی صورت میں دیا جارہا ہے،اسلم غوری

لائنسنسوں کا اجراء ، مساجد کی شہادتیں حکومت کے ماتھے پر بدنما داغ ہیں ،ترجمان جے یو آئی کابیان

اتوار 10 اگست 2025 20:15

اسلام آباد(اُردو پوائنٹ اخبارتازہ ترین - این این آئی۔ 10 اگست2025ء)مرکزی ترجمان جے یو آئی محمد اسلم غوری نے اسلام آباد میں مختلف مساجد کی شہادتوں کی مذمت کرتے ہوئے کہاہے کہ اگست میں قوم کو آزادی کا تحفہ مساجد کی شہادتوں کی صورت میں دیا جارہا ہے ۔ایک بیان میں اسلم غوری نے کہاکہ اسلام آباد میں مساجد کی شہادتیں قابل مذمت ہے ،اگست میں قوم کو آزادی کا تحفہ مساجد کی شہادتوں کی صورت میں دیا جارہا ہے ۔

(جاری ہے)

ترجمان جے یوآئی نے کہاکہ حکومت مسجدیں بناتی ہیں ، لیکن ہماری حکومت مساجد گرا رہی ہے،سالوں پرانی مساجد کو یوں گرانا شکوک وشبہات پیدا کررہا ہے ۔اسلم غوری نے کہاکہ شراب کے لائنسنسوں کا اجراء اور مساجد کی شہادتیں حکومت کے ماتھے پر بدنما داغ ہیں ۔ترجمان جے یو آئی نے کہاکہ اسلام آباد راولپنڈی کے عوام ،علما ، طلبا اور آئمہ کرام جائز طور پر تشویش میں ہیں ،حکومت ہوش کے ناخن لے اور عوام کے جذبات سے مزید نہ کھیلے ۔اسلم غوری نے کہاکہ کاروائیاں نہ روکی گئیں تو ملک بھر میں احتجاج کی کال دیں گے ۔