پی آئی اے کا فلائٹ شیڈول متاثر، کئی پروازیں تاخیر کا شکار

اتوار 10 اگست 2025 22:15

کراچی(اُردو پوائنٹ اخبارتازہ ترین - این این آئی۔ 10 اگست2025ء)پی آئی اے کے بوئنگ 777 طیارے میں فنی خرابی کے باعث پیرس روٹ کا پورا شیڈول متاثر ہو گیا۔قومی ایئرلائن کا بوئنگ 777 طیارہ پیرس پہنچنے کے بعد فنی خرابی کا شکار ہوگیا اور انجن میں فنی خرابی کے باعث طیارہ پیرس ائیرپورٹ پر گرائونڈ کر دیا گیا ہے۔ترجمان پی آئی اے کے مطابق طیارہ اڑان نہیں بھر سکا جس کی وجہ سے پورا شیڈول متاثر ہوا۔

(جاری ہے)

اسلام آباد سے پیرس جانے والی پرواز کئی گھنٹے تاخیر کا شکارہوگئی۔ پرواز پی کی797 ساڑھے 12 گھنٹے تاخیر سے لاہور سے ٹورنٹو روانہ کیا گیا۔نجی ایئرلائن کی لاہور ابوظہبی کی پرواز پی اے 430 بھی 12گھنٹے تاخیر کا شکار ہوئی۔ قومی ایئرلائن کی اسلام آباد کوالالمپور کی پروازپی کی894 میں ساڑھی7 گھنٹے تاخیر ہوئی۔اسلام آباد پیرس کی پرواز پی کی749 کی روانگی میں 10 گھنٹے سے زائد تاخیر ہوئی۔ پرواز پی کی749 نئے وقت کے مطابق رات 1 بجے اسلام آباد سے روانہ ہوئی۔