خاتون سے زیادتی کا الزام، بھارتی کرکٹر پر پابندی لگ گئی

اتر پردیش کرکٹ ایسوسی ایشن نے بھارتی کرکٹر پر لیگ کھیلنے کے لیے پابندی لگائی ہے

ذیشان مہتاب پیر 11 اگست 2025 10:44

خاتون سے زیادتی کا الزام، بھارتی کرکٹر پر پابندی لگ گئی

نئی دہلی (اردو پوائنٹ تازہ ترین اخبار ۔ 11 اگست 2025ء ) بھارتی کرکٹر یش دیال پر خاتون سے زیادتی کے الزامات کے پیشِ نظر پابندی لگا دی گئی۔

بھارتی میڈیا کے مطابق فاسٹ بولر یش دیال کے لیگ کھیلنے پر پابندی لگائی گئی ہے، یش یو پی (اتر پردیش) ٹی ٹوئنٹی لیگ کے تیسرے ایڈیشن کا حصہ نہیں ہوں گے، ان کا گورکھپور لائنز کے ساتھ معاہدہ ہوا تھا۔

(جاری ہے)

بھارتی میڈیا کا بتانا ہے کہ لیگ 17 اگست سے شیڈولڈ ہے لیکن خاتون سے زیادتی کے الزام پر فاسٹ بولر یش دیال ایکشن میں نظر نہیں آئیں گے۔ اتر پردیش کرکٹ ایسوسی ایشن نے بھارتی کرکٹر کے لیگ کھیلنے پر پابندی عائد کی ہے۔

واضح رہے کہ یش دیال رواں برس آئی پی ایل جیتنے والی رائل چیلنجر بنگلورو کا حصہ تھے، یش کے خلاف خاتون کے الزامات کے بعد کیس درج ہے، ان کے خلاف جے پور میں بھی ایک کیس درج ہے۔