میری شادی میں 3 سو افراد بن بلائے آگئے تھے، اذلان شاہ

شادی کارڈ سوشل میڈیا پر لیگ ہونے کی وجہ سے شادی میں اتنے لوگ آگئے تھے جنہیں ہم جانتے بھی نہیں تھے

پیر 11 اگست 2025 10:50

کراچی (اُردو پوائنٹ اخبارتازہ ترین - این این آئی۔ 11 اگست2025ء)اپنی شادی میں دلہن کو گدھا بطور تحفہ دینے والے یوٹیوبر اور سوشل میڈیا انفلوئنسر اذلان شاہ نے انکشاف کیا ہے کہ میری شادی میں 3 سو سے زائد افراد بن بلائے آگئے تھے۔حال ہی میں نجی ٹی وی چینل کے مارننگ شو میں شرکت کرنے والی سوشل میڈیا انفلوئنسرز کی جوڑی نے دورانِ انٹرویو اپنی شادی کے یاد گار قصے سنائے۔

انہوں نے ایک سوال کا جواب دیتے ہوئے بتایا کہ ہماری شادی کا کارڈ سوشل میڈیا پر لیگ ہوگیا تھا، جس کی وجہ سے شادی میں اتنے لوگ آگئے تھے جنہیں ہم جانتے بھی نہیں تھے۔

(جاری ہے)

اذلان شاہ نے بتایا کہ ہم نے 3 سے 4 سو افراد کو شادی میں مدعو کیا تھا لیکن دعوت نامہ سوشل میڈیا پر لیک ہونے کی وجہ اتنے افراد شادی میں آگئے تھے کہ ہال میں جگہ کم پڑگئی اور لوگ فرش پر بیٹھنا شروع ہوگئے تھے لیکن الحمدللہ کھانا کم نہیں پڑا۔

انہوں نے یہ بھی بتایا کہ شادی ہال میں 300 سے 400 افراد کی گنجائش تھی لیکن تقریبا 600 سے ساڑھے 6 سو افراد آگئے تھے، جس کی رخصتی سے قبل میرا دم گھٹنے لگا تھا۔واضح رہے کہ یوٹیوبر اذلان شاہ معروف اداکار مرحوم شبیر رانا کے بیٹے ہیں۔ انہوں نے سوشل میڈیا انفلوئنسر ڈاکٹر وریشہ جاوید خان سے 2022 میں شادی کی تھی، دونوں کے ہاں ایک بیٹی ہے۔