گنڈاپوراسلام آباد کی تابعداری چھوڑیں گے تو اگلے ہی دن عدم اعتماد آجائیگی‘ گورنرکے پی

پیر 11 اگست 2025 14:41

پشاور (اُردو پوائنٹ اخبارتازہ ترین - این این آئی۔ 11 اگست2025ء)گورنر خیبرپختونخوا فیصل کریم کنڈی کا کہنا ہے کہ وزیراعلیٰ علی امین گنڈاپور جس روز اسلام آباد کی تابعداری چھوڑیں گے تو اگلے ہی دن ان کے خلاف عدم اعتماد آجائے گی۔اپنے ایک بیان میں فیصل کریم کنڈی نے وزیراعلیٰ کے پی کو تنقید کا نشانہ بناتے ہوئے کہا کہ ہم جب چاہیں خیبرپختو خوا میں عدم اعتماد لاسکتے ہیں۔

(جاری ہے)

فیصل کریم کنڈی کا کہنا تھا جب وزیراعلیٰ خیبرپختونخوا اسلام آباد کی تابعداری چھوڑ دیں گے تو اگلے ہی دن ان کے خلاف عدم اعتماد آجائے گی۔گزشتہ روز بھٹ شاہ میں میڈیا سے گفتگو میں گورنر خیبرپختونخوا کا کہنا تھا قلعہ بالاحصار سے بھاگنا ہو یا ڈی چوک سے گنڈاپور ہدایت پر عمل کرتے ہیں، جب بھی ہمارے نمبر پورے ہوئے تو وزیراعلیٰ خیبرپختونخوا کے خلاف عدم اعتماد لائیں گے۔ فیصل کریم کنڈی کا کہنا تھا کہ پی ٹی آئی کے جو 6 سینیٹر بنے ہیں ان میں سے ایک حلف اٹھانے نہیں آسکتا، پی ٹی آئی کے باقی 5 سینیٹرز میں سے بھی ایک ہمارا ہے، وقت آنے پر ہمارے لیے ووٹ دیگا۔