کانگریس رہنما راہول گاندھی کو حراست میں لے لیا گیا

یہ جنگ سیاست کی نہیں جمہوریت کے تحفظ کی ہے،اپوزیشن رہنماکی گفتگو

پیر 11 اگست 2025 17:25

نئی دہلی (اُردو پوائنٹ اخبارتازہ ترین - این این آئی۔ 11 اگست2025ء)انڈین نیشنل کانگریس کے رہنما راہول گاندھی نے کہاہے کہ اب ووٹ کی چوری پورے ملک کے سامنے بے نقاب ہوچکی ہے، یہ جنگ سیاست کی نہیں بلکہ جمہوریت کے تحفظ کی ہے۔گرفتاری کے بعد میڈیا سے غیر رسمی گفتگو کرتے ہوئے راہول گاندھی نے کہا کہ آج جب ہم الیکشن کمیشن پہنچے تو انڈیا الائنس کے ارکان کو روک کر حراست میں لے لیا گیا۔

(جاری ہے)

انہوں نے کہا کہ بھارتی آئین ایک فرد ایک ووٹ کی ضمانت دیتا ہے، شفاف ووٹر لسٹ کو یقینی بنایا جائے۔ بھارتی عوام کے جمہوری حقوق کا تحفظ ہر قیمت پر یقینی بنائیں گے۔واضح رہے کہ راہول گاندھی کو بہار کی ووٹر فہرست میں ترمیم کے خلاف ووٹ چوری احتجاجی مارچ کے دوران حراست میں لیا گیا۔وہ اور اپوزیشن کے انڈیا اتحاد میں شامل دیگر اپوزیشن رہنما نئی دہلی میں الیکشن کمیشن کی طرف مارچ کر رہے تھے۔تقریبا 300 بھارتی اپوزیشن رہنما الیکشن کمیشن کی جانب مارچ کر رہے تھے جس کی قیادت لوک سبھا میں اپوزیشن لیڈر راہول گاندھی کر رہے تھے۔