سعودی عرب کی نان آئل آمدنی 40ارب ڈالر تک پہنچ گئی

پیر 11 اگست 2025 20:22

ریاض(اُردو پوائنٹ اخبارتازہ ترین - این این آئی۔ 11 اگست2025ء)سعودی عرب کی نان آئل آمدنی رواں سال کی دوسری سہ ماہی میں 40 ارب ڈالر تک پہنچ گئی جو 2024 کے اسی دورانیے کے مقابلے میں 6.6 فیصد زیادہ ہے۔سعودی وزارتِ خزانہ کی چار ماہ کی بجٹ پرفارمنس رپورٹ کے مطابق آمدن میں یہ اضافہ ایک اہم مالی سنگِ میل ہیکیونکہ نان آئل آمدن، اب حکومت کے کل محصولات کا 49.7 فیصد ہے جو گزشتہ برس صرف 40 فیصد تھا۔

(جاری ہے)

تیل سے ہونے والی آمدن اس دورانیے میں 28.76 فیصد کم ہو کر 151.73 بلین سعودی ریال رہی جو ایک سال قبل 213 بلین سعودی ریال تھی۔ آمدن میں اس فرق میں کارفرما دو بڑے عوامل میں پہلا مملکت کا وژن 2030 کے تحت معیشت کو متنوع بنانے پر توانائی صرف کرنا اور دوسرا رضاکارانہ طور پر تیل کی پیداوار میں اوپیک پلس معاہدوں کے تھت کمی کرنا تاکہ عالمی سطح پر تیل کی قیمتیں مستحکم رہیں، شامل ہیں۔