جس دن علی امین گنڈاپوراسلام آباد کی تابعداری چھوڑیں گے اگلے ہی دن عدم اعتماد آجائے گا، گورنر خیبرپختونخوا

پیر 11 اگست 2025 20:23

پشاور (اُردو پوائنٹ اخبارتازہ ترین - اے پی پی۔ 11 اگست2025ء) گورنر خیبرپختونخوا فیصل کریم کنڈی نے کہا ہے کہ ہم جب چاہیں خیبرپختوخوا میں عدم اعتماد لا سکتے ہیں، جس دن علی امین گنڈاپور اسلام آباد کی تابعداری چھوڑیں گے اگلے ہی دن عدم اعتماد آجائے گا۔

(جاری ہے)

میڈیا کو دی گئی اپنے ایک بیان میں گورنر خیبرپختونخوا کا کہنا ہے کہ ہم جب چاہیں خیبرپختوخوا میں عدم اعتماد لا سکتے ہیں، قلعہ بالاحصار سے بھاگنا ہو یا ڈی چوک سے گنڈاپور ہدایت پر عمل کرتے ہیں، جب بھی ہمارے نمبر پورے ہوئے وزیراعلیٰ خیبرپختونخوا کے خلاف عدم اعتماد لائیں گے۔

فیصل کریم کنڈی کا کہنا تھا کہ پی ٹی آئی کے جو 6 سینیٹر بنے ہیں، ان میں سے ایک حلف اٹھانے نہیں آسکتا، پی ٹی آئی کے باقی 5 سینیٹرز میں سے بھی ایک ہمارا ہے، وقت آنے پر ہمارے لیے ووٹ دے گا۔