راولپنڈی پولیس کاامن و امان یقینی بنانے کیلئے مختلف علاقوں میں سرچ آپریشن

پیر 11 اگست 2025 22:39

راولپنڈی (اُردو پوائنٹ اخبارتازہ ترین - اے پی پی۔ 11 اگست2025ء) سی پی او سید خالد ہمدانی کی ہدایت پر راولپنڈی پولیس نے مختلف علاقوں میں وسیع پیمانے پر سرچ آپریشن کیا۔ آپریشن میں مقامی پولیس، ایلیٹ فورس، لیڈیز پولیس اور دیگر قانون نافذ کرنے والے اداروں نے حصہ لیا۔

(جاری ہے)

ترجمان پولیس کے مطابق سرچ آپریشن کے دوران 143 گھروں، 124 دکانوں، 30 کرایہ داروں کے کوائف، 6 گوداموں اور 300 سے زائد افراد کے کوائف کا اندراج کیا گیا۔

آپریشن تھانہ سٹی، گنج منڈی، وارث خان، رتہ امرال، چونترہ، صدر بیرونی، دھمیال، جاتلی اور مندرہ کے علاقوں میں کیا گیا۔ ڈویژنل ایس پیز نے کہا کہ سرچ آپریشنز کا مقصد جرائم پیشہ عناصر کی بیخ کنی اور امن و امان کو یقینی بنانا ہے جبکہ نیشنل ایکشن پلان کے تحت یہ سلسلہ آئندہ بھی جاری رہے گا۔