اسلام آبادپولیس نے گمشدہ بچی کوقلیل وقت میں تلاش کرکے بحفاظت والدین کے حوالے کر دیا

پیر 11 اگست 2025 21:10

اسلام آباد (اُردو پوائنٹ اخبارتازہ ترین - اے پی پی۔ 11 اگست2025ء) اسلام آبادپولیس نے گمشدہ بچی کوقلیل وقت میں تلاش کرکے بحفاظت والدین کے حوالے کر دیا، بچی کے والدین نے پولیس ٹیم کا شکریہ ادا کیا اوراسلام آباد پولیس کی کاوشوں کو سراہا۔پولیس ترجمان کے مطابق اسلام آباد پولیس وفاقی دارالحکومت میں امن و امان کی صورتحال کو برقرار رکھنے اور شہریوں کی جان و مال کے تحفظ کو یقینی بنانے کیلئے ہمہ وقت مصر وف عمل ہے۔

(جاری ہے)

اس سلسلہ میں تھانہ کورال پولیس کو شہری کی جانب سے اطلاع موصول ہوئی کہ اس کی بچی لا پتہ ہو گئی ہے جس کی فوری تلاش کرنے میں مدد کی جائے۔شہری کی جانب سے اطلاع موصول ہوتے ہی پولیس ٹیم نے تمام تکنیکی اورانسانی ذرائع کو بروئے کارلاتے ہوئے گمشدہ بچی کو قلیل وقت میں تلاش کرکے بحفاظت والدین کے حوالے کر دیا۔ بچی کے والدین نے پولیس ٹیم کا شکریہ ادا کیا اور فوری مدد کرنے پراسلام آباد پولیس کی کاوشوں کو سراہا۔