پی ٹی آئی 14 اگست کو احتجاج نہیں کرے گی،اعظم سواتی نے واضح کردیا

14 اگست قائداعظم کی فتح کا دن، اس پر احتجاج نہیں کریں گے، رہنما پی ٹی آئی

منگل 12 اگست 2025 17:16

پی ٹی آئی 14 اگست کو احتجاج نہیں کرے گی،اعظم سواتی نے واضح کردیا
اسلام آباد(اُردو پوائنٹ اخبارتازہ ترین - این این آئی۔ 12 اگست2025ء)تحریک انصاف کے رہنما سینیٹر اعظم سواتی نی14 اگست کو پی ٹی آئی کے احتجاج کا امکان مسترد کردیا۔

(جاری ہے)

ایک بیان میں سینیٹر اعظم سواتی نے کہاکہ کس نے کہا ہے 14 اگست کو احتجاج ہوگا اگر کسی نی14 اگست کو احتجاج کا کہا ہے تو بالکل غلط کہا ہے۔انہوں نے کہا کہ 14اگست قائداعظم کی فتح کا دن ہے، اس پر احتجاج نہیں کریں گے، یوم آزادی پورے جوش و جذبے سے منائیں گے۔دوسری طرف پی ٹی آئی رہنما اسد قیصر نے کہاہے کہ جشن آزادی کے موقع پر حقیقی آزادی جشن منائیں گے، قائد اعظم کے پاکستان کیلئے جدوجہد جاری رکھیں گے۔