جشن آزادی کی تقریبات کے سکیورٹی انتظامات کو حتمی شکل دیدی گئی ہے،ایس ایس پی کچھی

منگل 12 اگست 2025 17:47

کوئٹہ (اُردو پوائنٹ اخبارتازہ ترین - اے پی پی۔ 12 اگست2025ء) ایس ایس پی کچھی رانا محمد دلاور نے کہا ہے کہ قیام پاکستان کی 78 ویں سالگرہ کے موقع پر 14 اگست یوم آزادی پر منعقد جشن آزادی کی تقریبات کے سکیورٹی انتظامات کو حتمی شکل دیدی گئی ہے۔ 14اگست یوم آزادی کا دن تاریخ ساز دن ہے بڑی جدوجہد اورخون کا نذرانہ دینے کے بعد انگریز سامراج سے ہمارے اکابرین نے آزادی حاصل کی۔

۔انہوں نے کہا کہ یوم آزادی پر ہوائی فائرنگ ون ولینگ ہٹلربازی روڈ بلاکنگ ریسنگ کرنے والوں کے خلاف سخت قانونی کارروائی عمل میں لائی جائے گی۔ 14 اگست کے دن بھر ہونے والے قومی اجتماعات تقریبات اور ریلیوں کو بھر پور سیکورٹی فراہم کی جائے گی یوم آزادی کے موقع پر ون ویلنگ ہوائی فائرنگ اور ہٹلر بازی سمیت کسی بھی غیر قانونی و غیر اخلاقی سرگرمیوں کو روکنے کے لیئے ضلع بھر میں سیکورٹی کے سخت انتظامات کو تشکیل دیا گیا ہے۔

(جاری ہے)

ضلع بھر کے تمام ایس ڈی پی او ، ایس ایچ اوز اور دیگر پولیس آفیسران و اہلکار سیکورٹی کے فرائض سرانجام دیں گے مشکوک افراد اور لاوارث اشیاء پر کڑی نظر رکھی جائے اور مشتبہ گاڑیوں اور اشخاص کی مکمل چیکنگ کو یقینی بنایا جائے گا۔ یوم آزادی کی تقریبات ریلیوں کے دوران ٹریفک کی روحانی یقینی بنانے کے لیئے مربوط ٹریفک پلان بھی تشکیل دیاگیا ہے۔۔