وزیراعظم آزاد کشمیر کا بلوچستان میں کامیاب کارروائیوں پر سکیورٹی فورسز کو خراج تحسین

منگل 12 اگست 2025 17:36

اسلام آباد (اُردو پوائنٹ اخبارتازہ ترین - اے پی پی۔ 12 اگست2025ء) وزیراعظم آزاد کشمیر چوہدری انوار الحق نے بلوچستان میں کامیاب کارروائیوں پر سکیورٹی فورسز کوزبردست الفاظ میں خراج تحسین پیش کیا ہے۔منگل کو یہاں جاری بیان میں انہوں نے کہا کہ ژوب کے علاقے سمبازہ میں فتنہ الہندوستان کے مزید 3 دہشت گرد ہلاک کرنے پر سکیورٹی فورسز کے بہادر سپوتوں کو سلام پیش کرتے ہیں۔

(جاری ہے)

گزشتہ دنوں میں مختلف آپریشن کے دوران مجموعی طور پر 50 بھارتی سپانسرڈ دہشت گردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہتے ہیں۔فتنہ الہندوستان کی سرکوبی کے لئے سکیورٹی فورسز کی قربانیوں کو رائیگاں نہیں جانے دیں گے۔ چوہدری انوار الحق نے کہا کہ فتنہ الہندوستان بے گناہ شہریوں کے قتل عام میں ملوث ہے،فتنہ الہندوستان کے دہشت گردوں کے مذموم عزائم کو قوم نے متحد ہو کر ناکام بنانا ہے۔