فرانس، جرمنی اور برطانیہ ایک بار پھر ایران پر پابندیاں لگانے کیلئے تیار

ایران مذاکرات کے لیے واپس نہیں آیا تو پابندیاں بحال کرنے کو تیار ہیں،ای تھری گروپ

بدھ 13 اگست 2025 15:20

پیرس(اُردو پوائنٹ اخبارتازہ ترین - این این آئی۔ 13 اگست2025ء)ای تھری گروپ کے ارکان فرانس، جرمنی اور برطانیہ نے ایران کے جوہری پروگرام کے بارے عالمی برادری سے مذاکرات معطل کرنے پر اقوامِ متحدہ کو خط لکھا دیا۔

(جاری ہے)

ای تھری گروپ نے خط میں اقوامِ متحدہ کو آگاہ کیا ہے کہ ایران مذاکرات کے لیے واپس نہیں آیا تو پابندیاں بحال کرنے کو تیار ہیں۔ای تھری گروپ نے خط میں واضح کیا ہے کہ ایران کو اگست کے اختتام سے پہلے سفارتی حل پر پہنچنا ہوگا۔فرانس،جرمنی اور برطانیہ کے وزارئے خارجہ نے اقوام متحدہ کو آگاہ کر دیا ہے کہ ایران نے توسیع کے موقع سے فائدہ نہیں اٹھایا تو اسنیپ بیک میکنزم متحرک کرنے کو تیار ہیں۔