یومِ آزادی قربانیوں، عزم اور ہمارے آباؤ اجداد کی انتھک جدوجہد کی یاد دلاتا ہے، شرجیل میمن

ملک کے دفاع اور سلامتی کے لیے بے مثال کردار ادا کرنے والی مسلح افواج کو خراج تحسین پیش کرتا ہوں،سینئر صوبائی وزیر

جمعرات 14 اگست 2025 18:35

کراچی (اُردو پوائنٹ اخبارتازہ ترین - این این آئی۔ 14 اگست2025ء)سینئر وزیر شرجیل میمن نے کہا ہے کہ یومِ آزادی قربانیوں، عزم اور ہمارے آباؤ اجداد کی انتھک جدوجہد کی یاد دلاتا ہے۔شرجیل میمن نے قوم کو یومِ آزادی کی مبارکباد دیتے ہوئے کہا کہ یہ دن ہمیں ان قربانیوں کا احساس دلاتا ہے جو ہمارے بزرگوں نے آزاد وطن کے خواب کو حقیقت بنانے کے لیے دیں۔

(جاری ہے)

انہوں نے مزید کہا کہ قائداعظم اور آزادی کی جدوجہد میں اپنی زندگیاں وقف کرنے والے اکابرین کو خراجِ عقیدت پیش کرتے ہیں۔شرجیل میمن نے کہا کہ ملک کے دفاع اور سلامتی کے لیے بے مثال کردار ادا کرنے والی مسلح افواج کو خراج تحسین پیش کرتا ہوں۔انہوں نے کہا کہ بنیان مرصوص اور معرکہ حق میں پاک فوج نے ملک کو دشمن قوتوں کے ناپاک عزائم سے محفوظ بنایا۔شرجیل انعام میمن نے کہا کہ یہ کامیابیاں اس بات کا ثبوت ہیں کہ ہماری افواج ہر مشکل گھڑی میں قوم کے ساتھ سیسہ پلائی دیوار بن کر کھڑی ہے۔