مظفرگڑھ ،وزیر اعلی کے ویژن کے مطابق تمام سرکاری خدمات عوام کی دہلیز پر دستیاب ہیں،ڈپٹی کمشنر

جمعہ 15 اگست 2025 16:56

مظفرگڑھ (اُردو پوائنٹ اخبارتازہ ترین - اے پی پی۔ 15 اگست2025ء) ڈپٹی کمشنر عثمان طاہر جپہ کی ہدایت پر "حکومت نہیں خدمت" کا کیمپ یونین کونسل جڑھ کے گورنمنٹ ہائی سکول جھلاریں شمالی میں لگایا گیا، جہاں نادرا، واپڈا، ریونیو، صحت، تعلیم، لائیو سٹاک، سوشل ویلفیئر سمیت تمام سرکاری محکموں کے کاؤنٹر موجود تھے۔

(جاری ہے)

ڈپٹی کمشنر عثمان طاہر جپہ نے ایڈیشنل ڈپٹی کمشنر جنرل اور اسسٹنٹ کمشنر خضر ظہور کے ہمراہ کیمپ کا دورہ کیا اور ضلعی محکموں کی طرف سے علاقے کی عوام و بنیادی سہولیات کی فراہمی اور ان کے فوری مسائل کے حل کے لیے لگائے گئے کاؤنٹر کا معائنہ کیا ۔

ڈپٹی کمشنر نے کیمپ میں آئے سائلین کے مسائل خود بھی سنے اور ان کے فوری حل کے لیے متعلقہ محکموں کو احکامات جاری کیے۔ انہوں نے کہا کہ وزیر اعلیٰ پنجاب مریم نواز کے ویژن کے مطابق اب تمام سرکاری خدمات عوام کے گھروں کی دہلیز پر دستیاب ہیں۔ ایک دن چھوڑ کر ہفتے کے تین دن تمام سرکاری محکموں کے افسران ضلع کی مختلف یونین کونسل میں موجود ہوتے ہیں اور اس کی نگرانی میں خود کر رہا ہوں۔ اس موقع پر ڈپٹی کمشنر نے گورنمنٹ ہائی سکول جھلاریں میں پودا بھی لگایا۔\378