پشاور،14اگست کےموقع پراہلسنت والجماعت کے زیراہتمام پروقارریلی کا انعقاد

جمعہ 15 اگست 2025 17:32

پشاور (اُردو پوائنٹ اخبارتازہ ترین - اے پی پی۔ 15 اگست2025ء) پشاور، اہلسنت و الجماعت(سنی سلامتی) کے زیراہتمام یوم آزادی کے موقع پرشیخ آباد صافی ہائوس پشاورسے ایک بڑی ریلی نکالی گئی جوکہ شہر کے مختلف علاقوں اور شاہراہوں سے ہوتی ہوئی نمک منڈی چوک پراختتام پذیرہوئی ، ریلی میں ہرمکتبہ فکرسے تعلق رکھنے والے افراد نے کثیر تعداد میں شرکت کی۔

(جاری ہے)

ریلی کے شرکا نے ہاتھوں میں قومی پرچم اٹھا رکھے تھے جبکہ پاکستان زندہ باد کے فلک شگاف نعرے بھی لگاتے رہے، ریلی کی قیادت پشاورکے قائد قاری فخرعالم زمان صدیقی،حاجی طارق حیدری اورچیئرمین شیخ آباد فضل وہاب صافی کررہے تھے جبکہ تنظیم کے دیگرعہدیدار بھی نے ریلی میں شرکت کی۔

ریلی کے شرکا سے خطاب کرتے ہوئے مقررین کا کہنا تھا کہ 14 اگست صرف ایک دن نہیں یہ ہمارے ایمان، قربانی اورحوصلے کی جیتی جاگتی پہچان ہے، آج ہم اس عہد کو تازہ کرتے ہیں کہ اپنے پیارے وطن پاکستان کو امن، اتحاد اورترقی کا مرکز بنائیں گے۔آخر میں ریلی کے اختتام پرملک و قوم کی سلامتی کیلئے خصوصی دعا بھی کی گئی ۔