سیکرٹری پرائس کنٹرول ڈاکٹر احسان بھٹہ کی زیر صدارت صوبہ بھر کے ڈسٹرکٹ فوڈ کنٹرولرز کا بذریعہ ویڈیو لنک اجلاس

جمعہ 15 اگست 2025 18:26

لاہور (اُردو پوائنٹ اخبارتازہ ترین - این این آئی۔ 15 اگست2025ء) سیکرٹری پرائس کنٹرول ڈاکٹر احسان بھٹہ کی زیر صدارت صوبہ بھر کے ڈسٹرکٹ فوڈ کنٹرولرز کا بذریعہ ویڈیو لنک اجلاس ہوا،کین کمشنر پنجاب نوید شہزاد مرزا نے مختلف ڈویڑنز میں فراہم کردہ چینی سٹاک کی تفصیلات بارے آگاہ کیا،گزشتہ 2 روز میں عام مارکیٹ اور صنعتی استعمال کیلئے 3 لاکھ 1823 میٹرک ٹن چینی فراہم کی جا چکی ہے، پچھلے 24 گھنٹوں میں لاہور ڈویژن کیلئے 1075 میٹرک ٹن، گوجرانولہ ڈویڑن کیلئے 807 میٹرک ٹن چینی فراہم کی گئی ہے،سرگودھا ڈویژن کیلئے 1108, راولپنڈی 768 جبکہ ساہیوال کیلئے 330 میٹرک ٹن چینی سٹاک فراہم کیا جاچکا ہے،بہاولپور ڈویژن میں 4 ہزار 206، ڈی جی خان 2 ہزار 541، فیصل آباد ڈویژن 3 ہزار 288 جبکہ ملتان ڈویژن میں 979 میٹرک ٹن چینی کی فراہمی یقینی بنائی جا چکی ہے،اس موقع پر سیکرٹری پرائس کنٹرول نے چہلم اور عرس کے آخری روز عام مارکیٹ میں کڑی نگرانی کی ہدایت بھی کی ،ڈاکٹر احسان بھٹہ کا کہنا تھا کہ پنجاب بھر میں چینی سٹاک کی وافر دستیابی، قلت بارے خبریں بے بنیاد ہیں،گراں فروشوں اور ناجائز ذخیرہ اندوزی کرنیوالوں سے حکومت آہنی ہاتھوں سے نمٹنرہینہے۔