معرکہ حق کے دوران پی ٹی آئی سوشل میڈیا ٹیم نے بڑھ چڑھ کر حصہ لیا

معرکہ حق میں حصہ لینے والے شہدا اور غازیوں کو ایوارڈ دیئے گئے ہیں، ان افراد کو بھی ایوارڈ دیئے گئے ہیں جن کے گھر اس جنگ کے دوران تباہ ہوئے، اعظم نذیر تارڑ

محمد علی جمعہ 15 اگست 2025 21:42

اسلام آباد (اُردو پوائنٹ اخبارتازہ ترین۔ 15 اگست2025ء) وفاقی وزیر قانون کا کہنا ہے کہ معرکہ حق کے دوران پی ٹی آئی سوشل میڈیا ٹیم نے بڑھ چڑھ کر حصہ لیا، معرکہ حق میں حصہ لینے والے شہدا اور غازیوں کو ایوارڈ دیئے گئے ہیں، ان افراد کو بھی ایوارڈ دیئے گئے ہیں جن کے گھر اس جنگ کے دوران تباہ ہوئے۔ تفصیلات کے مطابق وفاقی وزیر قانون سینیٹر اعظم نذیر تارڑ نے کہا ہے کہ معرکہ حق میں حصہ لینے والے شہدا اور غازیوں کو ایوارڈ دیئے گئے ہیں۔

جمعہ کو ایوان بالا کے اجلاس میں انہوں نے کہا کہ الحمد للّٰہ اس جنگ میں ہمارے بہت کم فوجی افسران اور اہلکار شہید ہوئے،اس کے ساتھ ہی اٴْن افراد کو بھی ایوارڈ دیئے گئے ہیں جن کے گھر اس جنگ کے دوران تباہ ہوئے۔وفاقی وزیر قانون نے کہا کہ اس موقع پر میں سمجھتا ہوں کہ ہمیں دل بڑا کرنا چاہیے اور تمام طبقات کی قربانیوں کو سراہنا چاہیے۔

(جاری ہے)

انہوں نے مزید کہا کہ قائداعظم کی تصویر نہ چھاپنے کے حوالے سے یہ بات اٴْن کے علم میں اب آئی ہے، اور اس پر اٴْن کی بھی دل آزاری ہوئی ہے۔ انہوں نے یقین دہانی کرائی کہ اس معاملے کی باقاعدہ انکوائری کی جائے گی اور ایوان کو مکمل طور پر آگاہ کیا جائے گا۔وفاقی وزیر قانون نے جشنِ آزادی کے موقع پر مختلف اداروں کی طرف سے جاری اشتہارات کا ذکر کرتے ہوئے کہا کہ ہم سب بانی پاکستان کا احترام کرتے ہیں، اس کاروان کے میرِ کارواں قائداعظم محمد علی جناح ہیں اور آپ ہی ہمارا فخر ہیں۔