عرفان صدیقی،عطاء الحق قاسمی اور مستنصر حسین تارڑ کے لئے سب سے بڑا ادبی ایوارڈ‘علمی،ادبی اور صحافتی حلقوں کی طرف سے خیرمقدم

جمعہ 15 اگست 2025 21:42

اسلام آباد(اُردو پوائنٹ اخبارتازہ ترین - آن لائن۔ 15 اگست2025ء) حکومتِ پاکستان کے کابینہ ڈویژن کی طرف سے رات گئے جاری کئے گئے نوٹیفیکیشن کے تحت سینیٹرعرفان صدیقی،عطا ء الحق قاسمی اور مستنصر حسین تارڑکو سب سے بڑے ادبی سول ایوارڈ نشانِ امتیاز سے نوازا گیا ہے۔ یہ ایوارڈ تینوں شخصیات کی شعری،ادبی خدمات اور کالم نگاری کی صنف میں دیا گیا ہے۔

(جاری ہے)

تینوں شخصیات علم و ادب کی دنیا کے معروف نام ہیں۔علمی ،ادبی اور صحافتی حلقوں نے اس حکومتی اقدام کو سراہا ہے کہ تین بڑی ادبی شخصیات کو اس اعزاز سے نوازا گیا ہے۔اکادمی ادبیات کی سربراہ ڈاکٹر نجیبہ عارف نے عرفان صدیقی،عطاء الحق قاسمی اور مستنصر حسین تارڑکو مبارک باد دیتے ہوئے توقع ظاہر کی کہ وہ اپنی علمی،ادبی اور صحافتی خدمات کے ذریعے پاکستان کی نئی نسل کی سوچ اور شعور کی نشوونما کرتے رہیں گے۔