پنجاب بھرمیں 1727ٹریفک حادثات میں 10افراد جاں بحق،2142زخمی

جمعہ 15 اگست 2025 22:52

لاہور (اُردو پوائنٹ اخبارتازہ ترین - اے پی پی۔ 15 اگست2025ء) ایمرجنسی سروسزڈیپارٹمنٹ نے گزشتہ 24گھنٹوں کے دوران پنجاب بھر میں 1727ٹریفک حادثات پر ریسپانڈ کیا جن میں 938افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔1204معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی۔ان حادثات میں زیادہ تر تعداد (77فیصد)موٹر سائیکل حادثات کی ہے۔

(جاری ہے)

ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 1098ڈرائیوز،120کم عمرڈرائیور،842مسافراور212پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ299ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت388متاثرین کے ساتھ پہلے،ملتان 117حادثات میں 137متاثرین کے ساتھ دوسر ے،فیصل آباد114حادثات میں 151متاثرین کے سا تھ تیسرے نمبرپررہا۔ واضح رہے کہ ان ٹریفک حادثات کے کل2152متاثرین میں 1762مرد اور390خواتین شامل ہیں ۔ان ٹریفک حادثات میں 1822موٹرسائیکلیں،103آٹورکشے،174کاریں،22وین،10مسافر بسیں،22ٹرک اور163دوسری اقسام کی گاڑیاں متاثر ہوئیں۔

Facebook Twitter Google + Share on Whatsapp

پنجاب بھرمیں 1727ٹریفک حادثات میں 10افراد جاں بحق،2142زخمی

متعلقہ عنوان :

مزید قومی خبریں