پنجاب بھر میں 1727 ٹریفک حادثات میں 10 افراد جاں بحق، 2142زخمی

جمعہ 15 اگست 2025 20:05

لاہور (اُردو پوائنٹ اخبارتازہ ترین - این این آئی۔ 15 اگست2025ء)ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں1727ٹریفک حادثات پر ریسپانڈ کیا جن میں938افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔1204معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔

ان حادثات میں زیادہ تر تعداد (77فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں۔ ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں1098ڈرائیوز،120کم عمرڈرائیور،842مسافراور212پیدل چلنے والے افراد متاثر ہوئے۔

(جاری ہے)

اعدادو شمار سے ظاہر ہوتا ہے کہ299ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت388متاثرین کے ساتھ پہلے،ملتان 117حادثات میں137متاثرین کے ساتھ دوسر ے ،فیصل آباد114حادثات میں151متاثرین کے سا تھ تیسرے نمبرپررہا۔ واضح رہے کہ ان ٹریفک حادثات کے کل2152متاثرین میں1762مرد اور390خواتین شامل ہیں جبکہ زخمی ہونیوالوں میں478فراد کی اوسط عمر18سال سے کم1191افراد کی اوسط عمر 18سے 40سال کے درمیان جبکہ483زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں1822موٹرسائیکلز،103آٹورکشے،174کاریں،22وین،10مسافر بسیں،22ٹرک اور163دوسری اقسام کی گاڑیاں شامل ہیں۔

Facebook Twitter Google + Share on Whatsapp

پنجاب بھر میں 1727 ٹریفک حادثات میں 10 افراد جاں بحق، 2142زخمی

متعلقہ عنوان :

مزید قومی خبریں