ض*سیلاب زدہ علاقوں میں ریسکیو اور ریلیف آپریشن تیز کیا جائے :نور اللہ صدیقی

ظ* سیلاب سے جانی و مالی نقصانات پر اظہار افسوس کرتے ہیں:مرکزی سیکرٹری اطلاعات

جمعہ 15 اگست 2025 20:15

لاہور (اُردو پوائنٹ اخبارتازہ ترین - آن لائن۔ 15 اگست2025ء) پاکستان عوامی تحریک کے مرکزی سیکرٹری اطلاعات نور اللہ صدیقی نے خیبرپختونخوا، گلگت بلتستان ، آزادکشمیر سمیت دیگر علاقوں میں سیلاب کی وجہ سیہونے والے بھاری جانی و مالی نقصان پر گہرے دکھ کا اظہار کیا ہے۔متاثرہ علاقوں میں ہزاروں لوگ بے گھر اور بنیادی ضروریات سے محروم ہو چکے ہیں، جبکہ درجنوں دیہات زیرِ آب آ گئے ہیں۔

اس قدرتی آفت نے مقامی معیشت، زراعت اور بنیادی ڈھانچے کو شدید نقصان پہنچایا ہے۔

(جاری ہے)

نور اللہ صدیقی نے وفاقی حکومت اور متعلقہ اداروں پر زور دیا کہ وہ فوری طور پر ریسکیو اور ریلیف آپریشن تیز کریں، متاثرہ خاندانوں کو محفوظ مقامات پر منتقل کریں ، خوراک، ادویات اور دیگر ضروری اشیائے ضروریہ فراہم کریں۔ انہوں نے کہا کہ بحران کی اس گھڑی میں صوبائی اور وفاقی حکومتوں کو متاثرہ عوام کی مدد کے لیے مشترکہ حکمت عملی اپنانی چاہیے۔

انہوں نیکہاکہ قدرتی آفات انسان کے صبر و ایثار کا امتحان ہوتی ہیں لہذا ہمیں ایک دوسرے کی مدد کر کے اس آزمائش سے نکلنا ہے۔انہوں نے دعا کی کہ اللہ تعالیٰ جاں بحق ہونے والوں کو جوار رحمت میں جگہ عطا فرمائے،زخمیوں کو جلد صحتیابی عطا فرمائے اور متاثرہ خاندانوں کو صبر و حوصلہ دے۔