وزیراعلیٰ مریم نواز شریف کا ایک اور اعزاز ، جاپان گورنمنٹ کی سرکاری دورہ کی خصوصی دعوت

مریم نواز شریف جاپان کے 5 روزہ سرکاری دورہ پر جاپان کیلئے روانہ ، لاہور ایئرپورٹ پر اعلیٰ حکام نے رخصت کیا ٹوکیو، اوساکا اور یاکوہوما شہروں کے دورے شیڈول، اوساکا میں ورلڈ ایکسپو میں شرکت، جاپان کے اعلیٰ حکام سے ملاقاتیں طے

جمعہ 15 اگست 2025 22:05

لاہور (اُردو پوائنٹ اخبارتازہ ترین - این این آئی۔ 15 اگست2025ء)وزیراعلیٰ پنجاب مریم نواز شریف کا ایک اور اعزاز جاپان گورنمنٹ نے سرکاری دورہ کی خصوصی دعوت دی۔ وزیراعلیٰ مریم نواز شریف جاپان کے 5 روزہ سرکاری دورہ پر جاپان کے لئے روانہ ہوگئیں۔ لاہور ائیر پورٹ پر اعلی حکام نے وزیر اعلیٰ مریم نواز شریف اور وفد کو رخصت کیا۔

(جاری ہے)

سینئر منسٹر مریم اورنگزیب، وزیر اطلاعات وثقافت عظمیٰ زاہد بخاری، صوبائی وزرا ملک صہیب بھرت، ذیشان رفیق،معاون خصوصی ثانیہ عاشق اور اعلیٰ سرکاری افسران بھی وفد میں شامل ہیں۔

وزیراعلیٰ مریم نواز شریف سرکاری طور پر جاپان کا دورہ کرنے والی پہلی خاتون وزیراعلیٰ ہیں۔ وزیر اعلیٰ مریم نواز شریف ٹوکیو، اوساکا اور یاکوہوما کے دورے کریں گی۔ وزیر اعلیٰ مریم نواز شریف اوساکا میں ورلڈ ایکسپو میں شرکت کریں گی ۔ وزیر اعلیٰ مریم نواز شریف جاپان کے اعلی حکام سے ملاقاتیں بھی کرینگی۔ وزیراعلیٰ مریم نواز شریف کے دورہ میں مختلف جاپانی اداروں کے وزٹ بھی شامل ہیں۔