سابق وزیر اعظم پاکستان محمد خان جونیجو کا93واں یوم پیدائش 18اگست کو منایا جائے گا

ہفتہ 16 اگست 2025 11:30

مکوآنہ (اُردو پوائنٹ اخبارتازہ ترین - این این آئی۔ 16 اگست2025ء)سابق وزیر اعظم پاکستان محمد خان جونیجو کا93واں یوم پیدائش18اگست کو منایا جائے گا۔ اس سلسلے میں فیصل آباد سمیت مسلم لیگ کے زیر اہتمام تقریبات کا اہتمام کیا جائے گاجس میں مرحوم محمد خان جونیجوکی خدمات پر روشنی ڈالی جائے گی۔محمد خان جونیجو پاکستان کے دسویں وزیر اعظم تھے وہ24مارچ 1985 سے 29مئی1988 تک پاکستان کے وزیر اعظم رہے ہیں۔

(جاری ہے)

محمد خان جونیجو 18اگست1932 کوسندھ کے علاقہ سندھڑی میں پیدا ہوئے وہ1985 کے غیر جماعتی انتخابات میں رکن قومی اسمبلی منتخب ہوئے جنہیںاس وقت کے صدر پاکستان جنرل ضیا الحق نے وزیر اعظم نامزد کیا۔محمد خان جونیجو پاکستان کے ایک انتہائی ایماندار،کم گو وزیر اعظم تھے۔سانحہ اوجڑی کیمپ کے بعد صدرجنرل ضیا الحق اور وزیر اعظم محمد خان جونیجو میں اختلافات پیدا ہو گئے جس کے بعد صدرجنرل ضیا الحق نی8ویں ترمیم کا اختیار استعمال کرتے ہوئے جونیجو حکومت کو بد طرف کر دیا۔محمد خان جونیجو 18مارچ 1993 کو انتقال کر گئے تھے۔