اینٹی نارکوٹکس فورس کا ملک کے مختلف شہروں میں منشیات سمگلنگ کے خلاف کریک ڈاؤن

ہفتہ 16 اگست 2025 12:45

اسلام آباد (اُردو پوائنٹ اخبارتازہ ترین - اے پی پی۔ 16 اگست2025ء) اینٹی نارکوٹکس فورس (اے این ایف) نے ملک کے مختلف شہروں میں منشیات سمگلنگ کے خلاف کریک ڈاؤن کرتے ہوئے کارروائیوں میں 32 لاکھ 80 ہزار روپے سے زائد مالیت کی 32.300 کلوگرام منشیات برآمد کرکے 8 ملزمان کو گرفتار کر لیا۔ہفتہ کوترجمان اے این ایف کی جانب سے جاری بیان کے مطابق چناب ٹول پلازہ گجرات کے قریب گاڑی سے 8.400 کلوگرام چرس برآمد کرکے ملزم کو گرفتار کرلیا۔

(جاری ہے)

چناب ٹول پلازہ کے قریب ایک اور کارروائی میں گاڑی سے 6 کلو گرام چرس برآمد کرکے 2 ملزمان کو گرفتار کرلیا ۔شاہپور ملتان روڈ لاہور میں پیٹرول پمپ کے قریب گاڑی سے 6 کلو گرام چرس اور 1 کلوگرام آئس برآمد کرکے ملزم کو گرفتار کرلیا۔چناب ٹول پلازہ گجرات کے قریب رکشہ سے 6 کلو گرام چرس برآمد کرکے ملزم کو گرفتار کرلیا۔مچھر کالونی کراچی میں موٹر سائیکل سوار 2 ملزمان سے 4.400 کلو گرام چرس برآمد کرلی۔ رنگ روڈ پشاور میں جمیل چوک کے قریب موٹر سائیکل سوار سے 500 گرام ہیروئن برآمد کرکے ملزم کو گرفتار کرلیا۔گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔