خواجہ نافع رن آؤٹ ہونے پر غصے میں آگئے، بلا زمین پر دے مارا‘ویڈیو وائرل

ٹاپ اینڈ ٹی 20 سیریز کے افتتاحی میچ کے دوران خواجہ نافع رن آؤٹ ہونے پر یاسر خان پر بھڑک اٹھے

ہفتہ 16 اگست 2025 13:40

کراچی (اُردو پوائنٹ اخبارتازہ ترین - این این آئی۔ 16 اگست2025ء)پاکستان شاہینز کے اوپننگ بیٹر خواجہ نافع رن آؤٹ ہونے پر غصے میں آگئے اور بلا زمین پر دے مارا۔بنگلادیش اے کے خلاف ٹاپ اینڈ ٹی 20 سیریز کے افتتاحی میچ کے دوران خواجہ نافع رن آؤٹ ہونے پر یاسر خان پر بھڑک اٹھے۔اوپنرز نے بیٹنگ کا شاندار آغاز کیا اور دونوں نے نصف سنچریاں اسکور کرتے ہوئے 100 رنز کا ہندسہ عبور کیا۔

(جاری ہے)

تاہم 12ویں اوور کی پہلی گیند پر یاسر نے شاٹ کی کوشش کی لیکن گیند وکٹ کیپر کے قریب آکر رک گئی۔نان اسٹرائیکر اینڈ پر موجود نافع سنگل کے لیے بھاگ گئے لیکن دونوں بلے بازوں کے درمیان مکس اپ کے نتیجے میں وہ رن آؤٹ ہوئے۔خواجہ نافع نے 31 گیندوں پر 61 رنز بنائے تھے جس میں آٹھ چوکے اور دو چھکے شامل تھے، آؤٹ ہونے کے بعد ان کا یاسر کے ساتھ گرما گرم بحث ہوئی اور انہوں نے بلے کو زمین پر پھینک دیا۔اس کے بعد یاسر خان بھی 40 گیندوں پر 62 رنز بنا کر آؤٹ ہوگئے۔واضح رہے کہ پاکستان نے بنگلادیش اے کو پہلے ٹی 20 میچ میں باآسانی 76 رنز شکست دے کر کامیابی حاصل کی۔