سیالکوٹ،ساہووالہ ریلوے کراسنگ پر کار ٹرین کی زد میں آ گئی، ڈرائیور جاں بحق

ہفتہ 16 اگست 2025 21:30

سیالکوٹ (اُردو پوائنٹ اخبارتازہ ترین - اے پی پی۔ 16 اگست2025ء) سیالکوٹ کی تحصیل سمبڑیال میں ساہووالہ پٹرولنگ پوسٹ کے قریب ریلوے کراسنگ پر ایک کار ٹرین کی زد میں آنے سے ڈرائیور جاں بحق ہو گیا۔ ترجمان ریسکیو 1122سیالکوٹ کے مطابق کار ریلوے لائن عبور کرتے ہوئے پٹڑی پر پھنس گئی، اس دوران ٹرین آ پہنچی جس نے گاڑی کو ٹکر مار دی۔

(جاری ہے)

کار میں دو افراد سوار تھے، جن میں سے ایک شخص حادثہ سے قبل باہر نکلنے میں کامیاب ہو گیا تاہم ڈرائیور کار کے اندر ہی موجود رہا اور ٹرین کی زد میں آ کر موقع پر دم توڑ گیا۔

جاں بحق ہونے والے کی شخص کی شناخت 45 سالہ مشتاق پیارا ولد پیارا مسیح سکنہ نارووال سٹی کے طور پر ہوئی ہے۔ حادثے کے نتیجے میں متوفی کے جسم کے مختلف حصوں پر شدید زخم اور فریکچر آئے۔ ریسکیو 1122 ٹیم نے لاش کو ضروری کارروائی کے بعد علامہ اقبال میموریل ٹیچنگ ہسپتال سیالکوٹ منتقل کر دیا۔