بدین اور لوئر کوہستان میں 2 نئے پولیو کیسز رپورٹ، رواں سال مجموعی تعداد 21 ہو گئی

پولیو لاعلاج ہے، والدین پولیو ویکسین کے ساتھ حفاظتی ٹیکوں کا کورس بھی بروقت مکمل کروائیں‘این ای اوسی

پیر 18 اگست 2025 14:54

بدین (اُردو پوائنٹ اخبارتازہ ترین - این این آئی۔ 18 اگست2025ء)سندھ کے ضلع بدین اور خیبر پختونخوا کے ضلع لوئر کوہستان میں 2 نئے پولیو کیسز سامنے آ گئے ہیں، جس کے بعد رواں سال ملک میں مجموعی کیسز کی تعداد 21 ہو گئی ہے۔

(جاری ہے)

نیشنل ایمرجنسی آپریشنز سینٹر (این ای او سی) کے مطابق ملک بھر میں انسداد پولیو کی خصوصی مہم یکم ستمبر سے شروع ہو گی، والدین بچوں کو قطرے لازمی پلوائیں۔ای او سی نے کہا کہ پولیو ایک لاعلاج مرض ہے، بچاؤ صرف ویکسین سے ممکن ہے، والدین بچوں کو قطرے پلوا کر عمر بھر کی معذوری سے بچا سکتے ہیں، والدین پولیو ویکسین کے ساتھ حفاظتی ٹیکوں کا کورس بھی بروقت مکمل کروائیں۔