کیسکو نے برقی تنصیبات پر ضروری مرمت کے باعث بجلی کی عارضی بندش کا شیڈول جاری کر دیا

کوئٹہ (اُردو پوائنٹ اخبارتازہ ترین - اے پی پی۔ 18 اگست2025ء) کوئٹہ الیکٹرک سپلائی کمپنی(کیسکو) نے بجلی کی عارضی بندش کا شیڈول جاری کر دیا ہے۔کیسکو کے اعلامیہ کے مطابق مختلف علاقوں میں کھمبوں کی تنصیب اور برقی لائنوں کی شفٹنگ کی جارہی ہے ۔اس سلسلے میں 19اگست (بروزمنگل) شیخ ماندہ گرڈ سٹیشن کے11 کے وی ائیرپورٹ روڈ، چشمہ اورعمر فیڈروں سے صبح10بجے تادوپہر2بجے بجلی بندرہے گی۔

اس کے علاوہ 20اگست (بروزبدھ) سریاب گرڈسٹیشن کے 11Kv سریاب ون، سریاب ٹو، نیوجان محمد، اولڈجان محمد، جڑسا،اے ون سٹی، واسا، اولڈلیاقت بازار،خیر بخش مری، سمنگلی ایکسپریس، اولڈسیٹلائٹ ٹائون، انڈسٹریل،منی مارکیٹ فیڈروں سے صبح10بجے سے دوپہر2بجے تک بجلی بندہو گی نیز اُسی روز کوئٹہ سٹی گرڈ سٹیشن کے 11Kvبروری روڈ، جناح ٹائون،شہباز ٹائون، ملک پلانٹ، اولڈسمنگلی،انٹرکنیکٹر، نواں کلی بائی پاس اور صاحبزادہ فیڈروں سے صبح10:30بجے سے دوپہر 2:30بجے تک بجلی بندرہے گی۔

(جاری ہے)

علاوہ ازیں نیشنل ٹرانسمیشن اینڈڈسپیچ کمپنی(این ٹی ڈی سی)کی جانب سے 220Kvکوئٹہ انڈسٹریل گرڈ سٹیشن پرسالانہ ٹیسٹنگ کے کام کے سلسلے میں 19اگست اور 20اگست کو(روزانہ) صبح9بجے سے دوپہر2بجے تک 132Kvسرکٹ سے بجلی بندہوگی جسکے باعث اس دورانیہ میں تقریباً80میگاواٹ برقی قلت پیداہوگی جسے لوڈمینجمنٹ کے ذریعے پوراکیاجائے گا۔دریں اثناء گرڈ سٹیشن اور ٹرانسمیشن لائنوں پر ضروری نوعیت کے مرمتی کاموں کیلئے 19اگست کو132KVزیارت گرڈ سٹیشن سے دن 11بجے تا شام 5بجے جبکہ خضدار گرڈ سٹیشن کے 33Kvوہیری اور کرخ فیڈروں سے صبح7بجے سے دن11بجے تک بجلی بندہوگی، اسی طرح 19اگست کے روز صحبت پور،بارکھان اور کوہلو گرڈسٹیشنز سے صبح9بجے سے دوپہر2بجے تک بجلی بندرہے گی،اسکے علاوہ 20اگست کو دروازہ گرڈ سٹیشن کے عاصم آباد، کولپور، عثمان آباد، پنجاو، شہبازسیمنٹ، قادرآباد،تیرہ میل فیڈرزاور 132Kvاسپلنجی گرڈاسٹیشن سے صبح10بجے سے دوپہر2بجے تک بجلی کی فراہمی معطل رہے گی تاہم کیسکونے متعلقہ صارفین سے بجلی بندش پر زحمت کیلئے پیشگی معذرت اور تعاون کی اپیل کی ہے۔