Live Updates

پنجاب میں ممکنہ کلائوڈ برسٹ وطوفانی بارشوں کے پیش نظر ہنگامی اقدامات ، پی ڈی ایم اے،انتظامیہ،ریسکیو،پولیس اورمتعلقہ اداروں کو الرٹ رہنے کی ہدایت

پیر 18 اگست 2025 22:42

لاہور (اُردو پوائنٹ اخبارتازہ ترین - اے پی پی۔ 18 اگست2025ء) وزیراعلی پنجاب مریم نوازنے پنجاب میں ممکنہ کلائوڈ برسٹ اورطوفانی بارشوں کے پیش نظر ہنگامی اقدامات کی ہدایت کرتے ہوئے پی ڈی ایم اے،انتظامیہ،ریسکیو،پولیس اورمتعلقہ ادارووں کو الرٹ کر دیا۔وزیراعلی نے ہنگامی صورتحال سے نمٹنے کیلئے ہسپتالوں اور مراکز صحت میں ڈاکٹرز اور عملے کو بھی الرٹ رہنے کی ہدایت کر دی۔

مریم نواز نے سی اینڈ ڈبلیو کو بارشوں سے متاثرہ روڈز کی فوری بحالی،چکوال اور دیگراداروں میں موسلادھار بارش کے پیش نظرانتظامیہ اور اداروں کوہمہ وقت الرٹ رہنے کا حکم دیا۔انہوں نے چکوال میں نشیبی علاقوں میں جان ومال کی حفاظت کیلئے دیگر اقدامات،ندی نالوں میں نہانے پر پابندی یقینی بنانے اورپولیس سکواڈکو گشت کی ہدایت کی۔

(جاری ہے)

انہوں نے سیلابی ریلوں سے متاثرہ علاقوں میں آبادی کا بروقت انخلا یقینی بنانے کا بھی حکم دیا۔

انہوں نے کہا کہ بارش سے متاثرہ چھوٹے بڑے راستوں سے رکاوٹیں ہٹا کر آمدورفت بحال کی جائے، کلائوڈ برسٹ اورموسلادھار بارشیں قدرتی آفت ہیں،صوبہ بھر میں انتظامیہ اور دیگر ادارے پوری طرح الرٹ ہیں، ممکنہ بارشوں اور کلائوڈ برسٹ کے خدشے کے پیش نظر تمام ادارے ہمہ وقت متحرک رہیں،کوتاہی قطعا ًبرداشت نہیں کی جائے گی۔