کلمہ چوک ، نیشنل پارک گلبرگ کے سامنے کینٹینر جلانے کے واقعات میں ڈاکٹر یاسمین راشد کی درخواست ضمانت خارج

پیر 18 اگست 2025 22:10

لاہور (اُردو پوائنٹ اخبارتازہ ترین - اے پی پی۔ 18 اگست2025ء) لاہور کی انسداد دہشت گردی عدالت نے کلمہ چوک میں کینٹینر جلانے اور نیشنل پارک گلبرگ کے سامنے کینٹینر جلانے کے واقعات سے متعلق درج دو مقدمات میں پاکستان تحریک انصاف کی رہنما ڈاکٹر یاسمین راشد کی درخواست ضمانت درخواستوں کو خارج کر دیا۔

(جاری ہے)

عدالت نے عدم پیروی پر ضمانت کی درخواستیں خارج کیں ۔اے ٹی سی کے جج ارشد جاوید نے کیس کی سماعت کی۔ وکلا دلائل کے لیے پیش نہیں ہو رہے تھے جس پر عدالت نے عدم پیروی کی بنیاد پر خارج کردیں۔ ڈاکٹر یاسمین راشد نے دونوں مقدمات میں ضمانت کی درخواستیں دائر کر رکھی تھیں۔