مہاراشٹر پولیس نے مصنوعی ذہانت کی مدد سے 36 گھنٹوں میںہِٹ اینڈ رن کیس حل کر لیا

منگل 19 اگست 2025 16:49

ممبئی (اُردو پوائنٹ اخبارتازہ ترین - این این آئی۔ 19 اگست2025ء)بھارتی ریاست مہاراشٹر کی پولیس نے جدید ٹیکنالوجی اور مصنوعی ذہانت کے استعمال سے ایک ہِٹ اینڈ رن کیس کو محض 36 گھنٹوں میں حل کر کے ملزم کو گرفتار کر لیا۔

(جاری ہے)

بھارتی میڈیا کے مطابق یہ واقعہ ناگپور میں پیش آیا جب ایک تیز رفتار ٹرک نے موٹر سائیکل پر سوار میاں بیوی کو ٹکر مار دی۔حادثے میں خاتون موقع پر ہی جاں بحق ہو گئی جبکہ ٹرک ڈرائیور فرار ہوگیا۔مہاراشٹرا کے علاقے ناگپور رورل کے سپرنٹنڈنٹ آف پولیس (ایس پی)ہرش پوڈدار کے مطابق پولیس نے تین الگ الگ ٹول ناکوں کی سی سی ٹی وی فوٹیجز اکٹھا کیں اور انہیں مصنوعی ذہانت کے دو الگورتھمز کے ذریعے جانچا۔