؁ضلعی انتظامیہ کی جانب سے شہر کے مختلف سب ڈویژ نز بشمول سریاب، صدر، سٹی اور کچلاک میں پرائس کنٹرول کے تحت کاروائیاں جاری ہیں

منگل 19 اگست 2025 22:50

iکوئٹہ (اُردو پوائنٹ اخبارتازہ ترین - آن لائن۔ 19 اگست2025ء) ضلعی انتظامیہ کی جانب سے شہر کے مختلف سب ڈویژ نز بشمول سریاب، صدر، سٹی اور کچلاک میں پرائس کنٹرول کے تحت کاروائیاں جاری ہیں۔ اس دوران تندوروں، قصابوں،دودھ کی دکانوں اور جنرل اسٹورز سمیت 110دکانوں کا معائنہ کیا گیا۔ اس موقع پر خلاف ورزی کرنے پر 30 دکانداروں کو گرفتار ،10 دکانیں سیل اور 14 افراد کو جیل بھیجا گیاجبکہ 25 دکانداروں کو 50 ہزار روپے کے مجموعی جرمانے عائد کیے گئے۔

(جاری ہے)

اس حوالے سے اسپیشل مجسٹریٹ حسیب سردار نے نواں کلی ، عالمو چوک پر پرائس کنٹرول کاروائیاں کیں۔ جبکہ اسپیشل مجسٹریٹ عزت اللہ نے سب ڈویڑن سریاب کے مختلف علاقوں میں پرائس کنٹرول کاروائیاں کیں۔ اس کے علاو ہ اسپیشل مجسٹریٹ لیاقت علی جتوئی نے گوالمنڈی چوک، طوغی روڈ اور دیگر علاقوں میں پرائس کنٹرول کاروائیاں کیں۔اس حوالے سے ضلعی انتظامیہ کا کہنا ہے کہ عوام کو ریلیف فراہم کرنے اور ناجائز منافع خوری کے خاتمے کے لیے یہ کارروائیاں جاری رہیں گی