سینیٹ کی خالی نشست پرپی ٹی آئی نے اعجاز چوہدری کی اہلیہ کو ٹکٹ جاری کردیا

اعجاز چوہدری کی نااہلی کے بعد خالی ہونے والی سینیٹ کی جنرل نشست پر الیکشن 9 ستمبر کوہوگا

بدھ 20 اگست 2025 17:58

لاہور (اُردو پوائنٹ اخبارتازہ ترین - این این آئی۔ 20 اگست2025ء) پنجاب اسمبلی میں سینیٹ کی خالی نشست پرپی ٹی آئی نے اعجاز چوہدری کی اہلیہ کوٹکٹ جاری کردیا۔ تفصیلات کے مطابق پنجاب اسمبلی میں سلمیٰ اعجاز پی ٹی آئی کی جانب سے امیدوار ہونگی،پنجاب میں میں پی ٹی آئی کو 100کے قریب ارکان کی حمایت حاصل ہے۔

(جاری ہے)

ترجمان الیکشن کمشن کے مطابق آج (جمعرات )21اگست کو امیدواروں کی پہلی لسٹ جاری ہوگی،23اگست تک کاغذات نامزدگی کی جانچ پڑتال مکمل کرلی جائیگی،جس کے بعد 26اگست تک کاغذات نامزدگی منظور یامسترد کرنے کے خلاف اپیلیں دائرکی جاسکیں گی جبکہ اپیلیٹ ٹریبونل 28اگست تک اپیلوں پر فیصلہ کرے گا، 29اگست کو امیدواروں کی نظرثانی شدہ لسٹ جاری کی جائے گی، 30اگست تک امیدوارکاغذات نامزدگی واپس لے سکیں گے۔

پنجاب سے پی ٹی آئی کے اعجاز چوہدری کی نااہلی کے بعد خالی ہونے والی سینیٹ کی جنرل نشست پر الیکشن 9ستمبر کوہوگا۔