پنجاب فیملی پلاننگ پارٹنرز کوآرڈینیشن فورم تشکیل دے دیا گیا

بدھ 20 اگست 2025 23:01

لاہور (اُردو پوائنٹ اخبارتازہ ترین - این این آئی۔ 20 اگست2025ء) محکمہ صحت و آبادی نے پنجاب فیملی پلاننگ پارٹنرز کوآرڈینیشن فورم تشکیل دے دیا ہے،فورم کے قیام کے حوالے سے نجی ہوٹل میں تقریب کا انعقاد کیا گیا۔

(جاری ہے)

صوبائی وزیر صحت و آبادی خواجہ عمران نذیرنے تقریب میں بطور مہمان خصوصی شرکت کی-ڈی جی ہیلتھ ڈاکٹر خلیل، ڈی جی پاپولیشن کیپٹن ریٹائرد اورنگزیب حیدر، ڈاکٹر کیپٹن ریٹائرڈ عثمان اور دیگر افسران بھی موقع پر موجود تھی-تقریب میں ورلڈ بنک، جائیکا و دیگر این جی اوز کے نمائندگان نے بھی شرکت کی-فورم میں گرین سٹار کے ڈاکٹر عزیز نے بھی اظہار خیال کیا- صوبائی وزیر صحت و آبادی خواجہ عمران نذیر نے تقریب سے خطاب کرتے ہوئے کہا کہ فورم کی تشکیل باہمی تعاون اور خدمات میں بہتری کی جانب اہم پیش رفت ہی- یہ فورم پبلک پرائیویٹ پارٹنرشپ کی کاوشوں کو ہم آہنگ کرنے میں اہم کردار ادا کرے گا-انہوں نے کہا کہ فورم کی تشکیل فیملی پلاننگ سے متعلقہ خدمات کو مزید موثر بنانے کے لیے ایک مشترکہ پلیٹ فارم فراہم کرے گی- خواجہ عمران نے کہا کہ آبادی اور وسائل میں توازن پیدا کیے بغیر ترقی کا خواب شرمندہ تعبیر ممکن نہیں-یہ اقدام حکومت اور پرائیویٹ سیکٹر کے مابین تعاون کو مزید مضبوط بنائے گا-صوبائی وزیر صحت نے فیملی پلاننگ پروگرامز کی افادیت یقینی بنانے کے لئے مشترکہ لائحہ عمل اپنانے کی اہمیت پر زور دیا-فورم کے شرکا نے پنجاب فیملی پلاننگ پروگرام کے تحت ہونے والی نمایاں پیش رفت پر روشنی ڈالی-خواجہ عمران نذیر نے کہاکہ آئی ٹی بیسڈ انفارمیشن سسٹم کا آغاز سروس ڈیلیوری میں بہتری لائے گا-مریم نواز کمیونٹی ہیلتھ انسپکٹرز کی یونین کونسل سطح پر کام سے مکمل کوریج حاصل کی جا سکتی ہی-انہوںنے کہا کہ پرفارمنس بیسڈ ای وا وئچر اسکیم کے ذریعے 1 لاکھ 40 ہزار سے زائد بے نظیر انکم سپورٹ پروگرام کے مستفیدین تک رسائی ممکن ہوئی ہی-میڈیا اور ایڈووکیسی ورکشاپس کے ساتھ ساتھ غیر روایتی آگاہی مہم اپنانے سے معاشرتی رویوں میں مثبت تبدیلی ممکن ہے -مریم نواز ہیلتھ کلینکس عوام کو جامع طبی سہولیات اور فیملی پلاننگ طریقوں تک آسان رسائی فراہم کر رہے ہیں-محکمہ صحت و آبادی اور ڈویلپمنٹ پارٹنرز کے درمیان فیوژن کے بعد تعاون کی حکمت عملی پر بھی تبادلہ خیال کیا گیا۔