وزیراعلیٰ گلگت بلتستان سے وکلا کی نمائندہ وفدکی سینئر قانون دان اسد ایڈوکیٹ کی قیادت میں ملاقات

بدھ 20 اگست 2025 21:55

گلگت(اُردو پوائنٹ اخبارتازہ ترین - این این آئی۔ 20 اگست2025ء)وزیراعلیٰ گلگت بلتستان حاجی گلبر خان سے وکلا کی نمائندہ وفدنے سینئر قانون دان اسد ایڈوکیٹ کی قیادت میں ملاقات کی ۔ اس ملاقات میں بار ایسوسی ایشن کے عہدیداران ، صوبائی وزیر رحمت خالق ، معاون خصوصی مولانا سرور اور سیکریٹری ٹو وزیراعلیٰ گلگت بلتستان رحیم گل بھی موجود تھے ۔ وکلا کی جانب سے سینئر قانون دان اسد ایڈوکیٹ نے وزیراعلی گلگت بلتستان حاجی گلبر خان کو وکلا کے مطالبات سے آگاہ کیا، جس پر وزیراعلیٰ گلگت بلتستان حاجی گلبر خان نے کہا کہ وکلا کے تمام جائز مطالبات کو پورا کیا جائے گا ۔

وزیراعلیٰ گلگت بلتستان حاجی گلبر خان نے کہا کہ وکلا ہمارے معاشرے کا چہرہ ہیں اور لہٰذا وکلا جب چاہیں اپنے ایشوز لیکر مجھے سے ملاقات کریں۔

(جاری ہے)

،میرے دروازے گلگت بلتستان کی عوام کے لیئے کھلے ہیں ۔ انھوں نے کہا کہ وزیر قانون اور امجد ایڈوکیٹ کی قیادت میں بنائی گئی کمیٹی کے ساتھ مل کر بہت جلد وکلا کے مسائل کا حل نکالا جائے گا ۔ انھوں نے کہا کہ گلگت بلتستان کے مالی مسائل وکلا برادری کو معلوم ہیں مگر اس کے باوجود بھی صوبائی حکومت وکلا کو ہر گز مایوس نہیں کرے گی ۔

وزیراعلیٰ گلگت بلتستان حاجی گلبر خان نے کہا کہ ہر کام قانون کے مطابق ہوگا اور وہ کام ہوگا جو قانون اجازت دیتا ہے۔ وکلا حکومت کے ساتھ مل عوام کی فلاح و بہبود کے لیے حکومت کی مدد کرے اور اہم ایشوز کی نشاندھی کرے تاکہ حکومت مزید عوام کی بہتر خدمت کر سکے ،جس پر وکلا نے وزیراعلیٰ گلگت بلتستان حاجی گلبر خان کا خصوصی شکریہ ادا کیا اور اس امید کا اظہار کیا کہ عوام کی منتخب حکومت خاص کر وزیراعلیٰ گلگت بلتستان وکلا کو مایوس نہیں کرینگے کیونکہ وکلا اور گلگت بلتستان کے عوام کو حاجی گلبر خان جیسے سینئر سیاستدان سے بڑی امیدیں وابستہ ہیں۔

وزیراعلیٰ گلگت بلتستان حاجی گلبر خان نے کہا کہ وزیراعلیٰ آفس سے جو احکامات وکلا کے ڈیمانڈ کے حوالے جاری کئے گئے ہیں اس پر عملدرآمد ہوگا اور وکلا کو مایوس ہونے نہیں دیا جائے گا ۔